罪魁禍首

近日 長時間處於極度眼瞓 & 靈魂出竅的狀態
以前眼瞓的原因 係長期極度夜瞓 而且經常失眠
第二朝又要起身返工 半朝早都是魂不附體狀態
依家就唔同喇 根本就係唔夠瞓

話說 ~

失眠...情況好似越來越嚴重 曾經為此 
去過醫生處要求得到一D安眠藥
當然被那有醫得的醫生拒絕左啦 一句 : 你咁細個 (其實都 3X歲了) 
食咩安眠藥呀失眠的情況 時好時壞 老媽一直看在眼裡 為呢個問題 
佢作出深入了解....
我上幾個星期的某日 老媽突然說出 : 你成日瞓唔著 會唔會係飲得太多茶呢?
試下唔好飲 睇下情況有無改善... 
佢甚至連茶壺都收起 (很絕的女人)

又話說 ~

媽向來認為 我飲水得太少 無疑...真係好少 
醫生要求每日八杯 簡直係天方夜譚
每日大約 一杯奶茶/咖啡 + 二杯水(茶)
好喇 坦白一點吧 大部份日子 都是一咖啡一水(茶)
所以我咪打算放工後 努力飲多一D囉 
(飲水如苦差 要好好努力)
點知...無再飲茶的晚上 (一段時間) 
未到 22:30 我的眼皮重到呢 坐低都想瞓
老媽都說 我睡眠的情況好多了 
(以前我是少少聲就會醒 俗稱 : 睡不深
誇張得家人掀被的聲音 都會嘈醒我)



茶...bye bye喇