受傷的嬌蕉包

話說過年前 貪得意 買左個 banana taipei



全新的時候 好靚啊



我仲派左日本蕉仔陪伴住佢 蕉仔配蕉袋 無錯配喇嘛



點知用無兩個月 重傷 入廠待修
我絕對係錫袋之人 已經用得好小心 但見佢咁傷 實在心痛
未買之前 喺綱上見到有人用絲巾包住個手挽 原來係有原因的



又好明顯 呢D手作仔 絕對係零天份 (應該是負天份) 
完全束手無策 唯有向老媽求助 佢竟然話 : 由佢啦
對我呢D完美主義者 no way 啦

佢初初好堅持唔幫我整架
又話我買埋晒D平野 用無兩用就爛成咁

人無分貴賤 袋都無分平貴架嘛

可能佢驚我嬲嬲地走去買個LV 所以突然話試下整
不過絲巾呢 實在太 lady了 唔啱我 我決定用織帶
呢個墨綠色好襯個袋 又襟污糟 可惜好難配架



由於怕老媽會反口唔幫我整 一定要盡快買到織帶
經個老闆娘幫忙配襯下 決定用呢隻色 先買少少唻試下先 OK 喎



再去買一大扎 慢慢卷 總算解決左