星期日 (03/10) 突然咳起來 仲係幾嚴重果隻 即刻去睇個醫生
(醫生要求打針 我話唔需要喇)
星期一 (04/10) 仲係好咳... 食左D藥 個人好暈 手仲震過貓王 當晚再去睇醫生
同佢講D藥反應好大 點知佢反應仲大 即刻收起晒我D藥 換過另一批俾我
自行要求打針 (希望盡快好番)
星期二 (05/10) 依然好咳... 唯有 sick leave 企圖瞓多D好快D
星期三(06/10) 仲好咳....但公司已經有同事放假 唔想無返咁多日 好彩食左D藥
唔算太辛苦 結果返工去....
星期四 (07/10) 原本去打波 但因為太咳 而且失左聲 被逼 '取消'
好唔開心咁再去睇醫生 (再次自行要求打針)
星期五(08/10) 0.0001% 好返跡象都無 而且嚴重失聲
友人們強烈見議轉睇另一個醫生
呢個醫生同時宣佈 : 你係氣管炎喎 唔會咁快好番架
依家先食氣管藥 搞掂條氣管先 慢慢唻... 仲慢慢唻
大佬呀 我已經咳左好耐架喇 就唻咳到斷氣 又無晒聲 醫生唔好玩野喎
星期日(10/10) 真係咳到頭裂肺穿+周身骨痛 再轉另一個醫生
呢個醫生話 : 你要好番 唯一的方法係將痰咳出唻 吐痰乃"伯父"行為
我除左係禮貌小寶寶外 仲係儀態美中女呀...
而且最重要我唔識嘔痰醫生話 : 你出盡全身D力就咳到架喇
嗱...我開D藥俾你 等你再咳D 清到D痰就會好番架喇
同時 我拎左D舊藥俾個醫生睇 佢見到一堆藥 話我食得太少
aiyo...什麼一日四次 隔四小時一次 + 一日三次 隔六小時一次 + 朝早食 + 早晚食
好亂好亂 結果食到亂晒... 每日都差不多食少一次
與此同時 大家見我勢色唔對路 開始介紹什麼太子好醫生 大埔名醫給我
但除左張床 我暫時未能動身呀 而且搭交通工具 只會遺禍武林
另一個星期一(11/10) 真係太咳 再次 sick leave
究竟幾時先好返 定係唔會好番?
另一個星期二(12/10) 原本去打波...依家無得打啦(又)
另一個星期三(13/10) 實在食得太多西藥 再加適逢月事 個人腫過西環浮屍
原本已肥肥的手指 竟然變成蒸熟左的潤腸
但咳已減少左 60% 不過其實仲係幾咳
另一個星期四(14/10) 老媽去藥房執D藥幫我斷尾 藥房人聽到老媽敘述我的病情
一口就話佢唔係咳喎 好明顯係氣管炎 淨係咳藥無用架 淨係氣管藥就得架喇
所以...繼續食藥
另一個星期五(15/10) 明顯地 今次真係對正下藥 情況明顯好轉 所以再食D藥...
另一個星期六(16/10) 公假 再執D藥食下 然後瞓多D 快D好 快D好
呢兩個星期 食藥仲多過食飯....藥就係我的主餐
零胃口 成日對住D飯誓願 食到第三啖已經想放棄
個口好淡 好想食朱古力/雪糕 又想打邊爐/韓燒 不過都係得個'想'字
勇戰足足兩個星期 細菌終於減退....
另另一個星期三(20/10) 用昂貴的雪糕三文治去測驗條氣管... 無咳喇
updated on ~ 21/10 15:35
沒有留言:
張貼留言
注意:只有此網誌的成員可以留言。