爆響口之唔出得街

頭先去左睇余迪偉同鄒海灘個

爆響口之唔出得街



呢張宣傳 poster 好靚



未開始賣飛前 佢地都幾落力宣傳架 睇迪奶呢身打扮 能人所不能啦
開 show 前幾日 真係俾條'鮎魚'嚇親 好彩大家今次的念力很強

睇完個show的後遺症竟然 : 咳返
並唔係因為我事前食左什麼違禁食品
係個 show 實在太好笑 笑啦..跟住咳 大笑...跟住氣喘 狂笑...跟住想嘔
邊有show 睇到人地想嘔架 若然真係笑到當場嘔吐大作 仲唔瘀爆
有幾刻 我真係擔心自己會斷氣 or 咳死
完show 後條氣管好喘 人很累 有少少虛脫 隔左好耐先好DD
萬想不到竟然會有咁嘅後果 可唔可以 claim 返佢地錢架?
我估老媽必想將我斬開九碌 無謂眼怨 



未睇之前 先講買飛
果日聽聽下節目 突然話 send email去 就可以預先留到靚位
我呢D電腦人 即刻行動
呢D野 就係手快有手慢無之嘛 今趟我就真係手快喇
位置仲相當唔錯添 咁啱係職員出入口 光仔行出行入n 次
仲見到 : 多名商台高層 + 林海峰 + 周麗琪 + 吳君如 + 官恩娜

但講開又講 門票要親自上商台拎
去商台拎票果日 真係波折重重 淨係去果程車 竟然塞左 1.5 hrs
果日又熱又焗 部巴士又無咩冷氣 焗完一輪 咪鼻塞囉 跟住就咳咯



場館唯一的 banner 失望囉想講



今次個台好得意 係一個口 + 脷



今個 talking show D衫好靚 陳刀應記一功
opening 呢套已經唔錯 但之後果D仲勁 超爆啊









雖然個 show 係灘叔同迪偉 但點少得 bubu 呀
不過估唔到 阿bu 出場咁少時間



迪奶今場個嘉賓係官恩娜 唔知係咪安排得有點問題
呢 part 有少少無厘頭 點解無拉拉做起瑜珈來



原來官恩娜真人好靚架 佢好近距離喺我面前行過好多次







灘叔個嘉賓係吳君如 佢同鄒海灘的交情
外人未必明白 但好明顯交情非淺



臨尾佢地喺上面'sir' 落唻 我都好想試 sir 一次呀



仲有好多波波一齊碌落唻 好靚呀



唔知點解 究竟係咩原因 每次(係每次) 睇 show 都唔記得帶相機
喺未開場前 場館工作人員千叮萬囑 要收埋相機 場館唔可以影相架
當時仲心諗 無帶相機 都唔係一個損失 點知去到呢一幕... 十萬個後悔



呢幕爆到呢.... 老實講 好 sweet 囉



之前講D紀念品好靚 可惜T-shirt我又唔著 更無理由買條boxer架
最想買係頸鏈 但竟然見唔到 想留個紀念都唔得添(好彩...竟然有得補買)



updated : 23/10 嘉賓先係阿芝 (不過佢頭先都有唻到)



updated : 24/10 完場後佢地有出唻影相 + 簽名



update : 25/10嘉賓有羅仲謙





仲有男人女神周秀娜



尾場開始 仲拉左李克勤上台跳返 part "當年相戀意中人"



bye bye 喇 希望好快有 part 2既然灘叔咁鐘意 我大聲叫 : 我喜歡你呀...
今日見迪偉個濃裝艷 look 令我不其然想起張國榮...
佢超擔心會拗柴果場著住四吋高跟鞋勁歌熱舞 都順利完成

個 show 最記得灘叔講 : 人生原本係無味道的 睇你想加 甜呀/苦呀
加點甜令我生活開心點 加點苦令生活不至於太平坦而迷失自我
加點酸令我生活不會脫節 加點辣令我生活不會悶親自己這就是我的生活
甜的多一點 但不能缺少其他人生要有咩味道 就要睇你自己喇

(所有圖片 from 各903 DJ微博 & 903 website & 報紙)