屋企附近都算有幾多醫生選擇
最喜歡果個 雖然係西醫 但又會幫你'把把脈' 很喜歡這少少親切行為
可惜... 被領會瘋狂加租 無奈撤離
另一個我喜歡的 係一個緬甸醫生 濃濃的鄉音 說話很柔的 而且人好細心
雖然很多時都聽唔到佢講野 (係我自己衰 對唔正音的廣東話 一律聽唔明)
但我依然好喜歡幫襯佢啊 上次佢好有耐性幫我拔出插住耳膜的頭髮
而且佢間診所 經常都係'真空'狀態 唔使等就可以睇
另一個係我非常唔情願 但又要去睇 (如今次氣管炎 & 每次病得很重)
間診所 經常逼滿人 病淨半條人命 仲要呆等 1hr(起碼)
D姑娘串到無淪 同佢講多句 就想大巴大巴摑佢
我依家俾錢你賺呀 仲要黑口黑面 又無得罪你 又唔係殺你全家
就算明知呢個醫生D藥係好D 睇佢實會好快D 我都唔多願意去睇
今次咳咁耐 我初初堅持睇緬甸醫生 但家人認為我係浪費時間 + 錢
唯有死死氣咁去呆等超多人的診所 又無奈俾佢睇好左
不過...下次 (touch wood 先)...我都係揀緬甸醫生囉
依家所有野都講求服務 你D姑娘咁臭串 真係好趕客架
講完
沒有留言:
張貼留言
注意：只有此網誌的成員可以留言。