遊大佛

yahoo blog 依家有選擇性 upload 相功能 

唔喜歡的 唔漂亮的
全部俾佢自動飛 out 晒 oh no!!!!

真係唔知用咩心態對住呢個 blog 想寫但又唔想煩 

想放棄但又唔甘心

今日又要陪老媽一日遊 (正選老爸請唔到假 後補人選補上)
今次地點係大佛



原來只有我從未遊過大佛 可惜天色真係好麻麻 大霧到呢....



喺大佛遠望落去 昂平市集 (又係得我未去過)











大佛下圍住一班.... (唔好意思 我真係唔知佢地點稱呼)



O 突然太陽出來了 佛頂頭上有光環



終於可以影到張清楚少少



鏡頭一轉 我地已經落到昂平市集喇
呢個角度影埋去 成座大佛 有氣勢好多

轉頭我地又去左大紅寶殿 拜神 & 食齋



果餐齋呢 真心唔好味 連向來無咩要求的老媽都話差
所以我地好快就離枱 食碗山水豆腐花補數
滑到不之得了



鏡頭一轉 我地又去到大澳喇 今次仲可以去參觀曬場
呢到咩都有得曬 咸魚呀 海味呀 蝦膏呀
不過D味道呢....一陣風吹過唻 真係臭到呢!!! 速逃



今日係 weekday 唔算太多人 可以影下呢條橋
曾經 weekend 唻過 淨係想過橋 都要排隊呀



呢到就係有香港威尼斯之稱嘅大澳



 鏡頭又一轉 我地回程喇

好多相都 upload 唔到 但 upload 到呢幾張 
已經用晒我D耐性喇
係咁先...