驚濤駭浪

呢頭傷風感冒好得 72% 點知....

尋日 唔知食錯咩.....

晚飯後 已經覺得唔妥

食得太飽? 食物變壞左? 當然一切都考究唔到啦

個胃好脹.... 個肚好痛.... 個人好凍

食左粒消化丸 希望幫助一下

臨瞓前 終於肚瀉...

瞓上床 唔等於舒服晒 完全瞓唔到 結果半夜爬起身...嘔

成晚喺間屋到行來行去 又唔敢再爬上床瞓 怕走唔切 嘔喺張床到就大鑊嘛

嘔完個口陣味好難頂 潄口都搞唔掂 飲D熱水 '嗱'到條喉嚨好痛

終於...天都光埋 個人舒服左少少 
瞓左半陣 就要起身返工

實在唔想再食熱野'嗱'條喉嚨 
決定去食魚生飯....D飯

成個餐好 colorful 但我主攻佢D白飯
頭先去睇醫生確診 : 好明顯喇 腸胃炎 有過瀘性病毒