泰國遊 part 1

完全無諗過 一年內會去兩次旅行 
當我去完台灣 再到哥走轉泰國
搞到老爸心郁郁 尤其係佢從未坐過飛機
成日話自己係鄉下仔

但無可能俾佢地兩老自己出門架
所以喺極之倉猝之下 全家就決定去轉泰國

話咁快就到出發嘅日子喇
都係果句啦 : 去旅行係一件辛苦事 (比返工仲辛苦)

8:55 機 6:30 喺機場集合

一家出門 出動所有喼 仲要問人借 (在此再多謝好人C幫忙)

天色麻麻 好多烏雲

等上機的時間實在太長

 每個景都可以睇 30mins 以上

 呢段時間 泰國屬於冬天 但都有30度呀
當地人著晒外套 都唔緊要 最弊佢地係會熄冷氣

 今次我地有24個團友 只要有一個人遲到 其餘23個都要呆等
 好不幸地 今次我地有2個遲到大王
只係到達泰國過海關拎行李 兩條友已經唔知死左去邊
大家呆等 30mins  不過只係一個開始

第一個景點 係什麼樂園 佢個名我已經唔記得左

未解散前 喺樂園間餐廳食過 lunch buffet 先 
食物都係好一般啦
但泰國D米粉 出名好味 
我都 order左一碗

呢個樂園 有一個出名的非洲探險船 
以為係好勁啦 點知....流過流鼻涕
你當場睇 真係眼都反埋 但影D相都可以接受

毫無威勢的大猩猩

當大家見到呢D非洲人 

竟然真係有人講 : 佢露點呀 咪啦! 好老土呀

條友咁樣衰 一刀拮死佢啦

成個樂園真係頗大 仲有好多好刺激嘅機動遊戲
但當地職員係無安全指引 佢地唔會幫你檢查安全帶有無扣好 
咁都不特止 當我地玩海盜船嘅時候 要自己拉起個bar 
自己坐上去 自己拉埋條bar
全個過程 個職員係傾緊電話 後來佢仲唔記得按停部機
結果我地喺隻海盜船盪左超耐
玩緊都唔覺有問題 但返到酒店先識驚

今日我地有好多餐 都係食泰菜 大部份都係辣架 
老爸同我都無啖好食 結果我地要喺老麥醫肚 
好好味呀 比台灣果D 好味 10倍
D薯條炸得好好呀 又香又脆 老爸都食左好多

泰國咁熱嘅地方 都有慶祝聖誕節

泰國同台灣都有 Harrods 專門店 點解淨係香港無

好耐無睇過漢堡神偷 幫你留個倩影先

第一晚 大家仲有氣力 返左酒店再出去行夜市 : 泰國唐人街

嘩 好多榴槤呀 但唔可以帶返酒店 老媽無出唻 食唔到添

泰國出名食翅平 呢煲翅只係 HKD75 仲勁多料架