身心俱疲

頭 -- 很痛
眼 -- 很重
喉嚨 -- 很乾
牙肉 -- 很腫
耳仔 -- 咯咯聲
無時無刻都想瞓 ....



我係咪病呀?

醫院一日遊

今日完全係醫院一日遊...

預約腫瘤科 10:00 我地一行三人 9:30 就到達
亦展開慢長的等等等等等

老實講 依家政府醫院的姑娘/醫生 不會比私家的差好多
尤其係D姑娘 之前經歷4天的私家+超貴的聖德垃圾 (真心想叫佢垃圾)
果D姑娘不知所謂到頂點....勁想揪佢出唻狂抦
腫瘤科的姑娘 友善得很 又有禮貌 雖然有D伯伯都等得脾氣暴躁
但其實去得睇政府 就一早要預左等啦 發脾氣亦無補於事呀 
呢方面連我零耐性的老爸都忍受到呢 這些伯伯 最好控制一下情緒吧

你眼不見人家都實在忙呀

由 9:30 等到 11:30 終於見到醫生
跟住又是一連串的檢驗
等 -- 驗血 
等 -- 照內窺鏡

期間我地要撲去排期--做面模/睇牙科/睇耳鼻喉
半朝就咁過去

 13:00 大家的 lunch hour 我地亦要留在醫院食
好彩政府醫院有大家樂 唔似得私家醫院只有把鬼食堂
望見都唔想食果D呢...

喺食飯期間 有個陌生人 唔知點解 死都要坐落我地唯一多出的一個座位
明明旁邊都好多吉枱嘛 佢都要坐埋唻 當我地閒談期間 
佢就搭訕原來佢都係鼻咽癌患者 但姑娘應該搞錯了 
佢要等87weeks 先可以見醫生
(吓!! 87weeks 差不多係2年喎 到時仲有無命? 
而且聽佢講的病徵應該比老爸嚴重得多 老爸都只是等 2weeks 喎
 唔明 實在唔明
所以我地一致認為 應該是搞錯了
可憐係佢只係一個人唻睇醫生 無人可以商量研究)

再等到 14:00
等 -- 照肺 (我估係因為老爸以前有食煙)
但 book 唔到磁力共振 未來兩星期都 full 晒 要等電話

(不過返到屋企無耐 就收到電話 話攝到期喇)

book 好晒所有野 要再返去腫瘤科見姑娘 
之後又係等啦...期間竟然遇見一個鄰居 佢都係鼻咽 cancer 
但已康復了 今次只是返去覆診

老爸的康復 亦是指日可待

返到屋企 差不多16:00 仲唔係醫院一日遊??
再次有虛脫的感覺 不過一切只係開始...
下星期係醫院一週遊
星期1 -- 要返去袁醫生到覆診 (睇鼻竇)
星期2 -- 去分科診所睇血糖報告 (呢次小手術 發現老爸糖尿過高)
星期3 -- 朝早要返醫院做面模 下午再返去做磁力共振

星期4 -- 又返醫院睇牙科
真係排得密密 忙過返工

去到醫院就會知道 比老爸嚴重的人多的是
人家都能戰勝病魔 去到醫院就有好多病友 教你煲這煲那
要戒食咩咩咩但有D又話唔使戒得咁清 我相信我這超為食的老爸
擔心的不是電療的副作用反而是戒口問題...
聽說如果睇中醫 仲會有本 "戒口" 書
所有野 都叫你白烚/蒸仲係差不多完全無味的
淨係諗 都已經無晒胃口



送上一朵燦爛的花 給老爸 & 自己 好好加油!!!
除左玫瑰 & 鬱金香 其餘的我只能講出一個 "花" 字

20 級攰

攰.... 前所未有的攰

只想睡.... 前所未有的想睡



豬頭炳 頂住呀...

 

是禍是福

由得到消息到今天 已過了3天

心情由不知所措 到坦然面對 (雖然仲有少少迷茫)

癌 呢個字 相信無人願意發生喺自己身上

如果只靠這份驗血報告 以為一切正常....

沒有今次小手術 就沒有可能被發現 這是禍 or 是福呢?

漫長的一場仗 就全家一齊應付吧

撐下去

第三天的醫院-屋企-醫院-屋企

原以為聽日就可以鬆一口氣

以為只是一場小手術 過左呢關 會雨過天晴

點知....這份只有95%準確的驗血報告 給我們開了一個大玩笑
這 100% 準確的切片檢查 將這5% 推翻了

從天堂被拉落地獄的感覺 就是這樣吧

這一口氣 要嘆到幾時

親愛的老爸 請堅強面對
親愛的老媽 也請堅持的面對
親愛的老哥 如果要用這來學會堅強 我情願一世幼稚

神呀 你有聽到我的禱告嗎?

小雙俠

舊年森小歌劇團的 Lokamochi Mamiba因公司突有急事 
未能親身去買飛 結果無得睇 超級失望

今年的小雙俠 一直決定唔到睇 or 唔睇 
甚至到優先訂飛的當日都忘記得一乾二淨 直到食lunch 的前一刻
先記起抱著一試無坊的心態 這一直超難打的熱線
 竟無毫難度地接通

第一次去九龍灣 star hall 睇 show 

入場前要"打蛇餅" 地排隊已覺超古怪 入場都要排隊? 
明明編晒位喎... 點解要人排隊呀?

一入到場 已感'領野' 一大片同 level 的視線 排左至少30 行
如果前面坐著個高佬 就真係咩都睇唔到囉 雖然前面坐的唔算高人 

不過位置超側囉.... 優先訂飛就係得到呢D位?
成場要伸直條頸睇足 2.5 hrs 超攰

我估我真係老喇 成套劇 只感到 : 悶 完全投入唔到
悶得想左好多次提早離場 明明講不可攝影 但前面條友 
不停舉高相機影影影... 好騷擾呀
而且D mic 未能準確地掌握 時有聲時無聲最後都睇晒全場 人家未謝幕 
好多人已速速離場點解呀 人家排得咁辛苦少少掌聲都要吝嗇 
結果全場只有零聲的鼓勵掌聲囉

我唔明囉....

談生果金議員抗議兼掟蕉

今朝看到報紙這'標題' 只有一個感覺 : 胡鬧是也...
在香港當特首 絕非易事 特首=香港人的出氣袋
股票市場跌市又鬧 市民被銀行騙財又鬧 董伯伯又鬧 曾特首又鬧
究竟要邊個 大家先滿意? 我唔明囉.... 

難道是曾特首能控制股票市場? 難道是特首騙你們的血汗錢嗎? 我唔明囉....
大家可講道理嗎? 即係咁...如果你投資賺到錢就無問題 依家蝕喇
人家就要負責任? 會唔會太好笑呢? 我明這是大家的血汗錢
但投資前有細心想清楚嗎? 當銀行存款利息仍極低的時候
突然有一個計劃令你年賺幾千蚊 都不覺有問題嗎?
你們當初又毫無懷疑? 我唔明囉....

政治...向來零理 但近來有幾位非常激進的人 加入政府 每次都上演鬧劇給大家看
遲D香港就好似台灣 的政壇 每次都打交收場 非常胡鬧 好討厭呀
人家提出咩方案 換來的只是反對反對再反對 反對的同時 何有貢獻呀? 我唔明囉....

反對聲音唔係話唔可以有 但大家坐低慢慢研究 好好商量
都係想講 特首又唔係救世主 不能帶大家走出谷底
掟香蕉等低B行為 請留給小朋友玩吧 ! 不過現今社會 大家都有讀過書
基本禮貌應該晨早學會 如此幼稚行為 誰還會做得出? 我唔明囉....

即係咁 如果真係俾你掟中"目標" 就能發洩你個人的心頭之恨嗎? 我唔明囉....

有能本事 請替香港做點好事來吧 ! 掟香蕉 咪玩啦... 失禮死人

抽枝煙

在回家的路上

突然好想抽枝煙....

一切會變好的嗎 ?

虛驚一場

擔心好幾天的報告終於出了

幸好只是虛驚一場

這場疑似 cancer 事件 終告一段落 thanks god 

雖然醫生當初都是以安全起見 驗一驗 但都已把爸媽嚇壞

不過鼻內的瘜肉 都要動手術搞掂

幸好手術都定在今個星期內辦妥 ( 快D搞掂呀唔該... )

平日口響響的老爸 萬請你一切小心保重

明明只是陪睇 但點解返到屋企 反而係我有少少虛脫的感覺

惡性循環

00:00 - 02:00 -- 依然精神奕奕 零睡意....

03:00 - 06:00 -- 大部份時候 可以入睡 但經常會醒

08:00 - 10:00 -- 落床火仍未散 所以目無表情

15:00 - 17:30 -- 係全日最最最眼瞓的時間  (無論要唔要返工) 所以黑口黑面

18:00 打後 : 個人開始精神 仲越夜越精神

每日如是..... 究竟係咪應該搵份'通宵'的工作 但通宵工...'7仔'? 看更?

點解....

夜晚總是精神奕奕...

又愛又恨

ok 既然你要測試我的耐性 ok ok....我忍你
再唻....

喺年少無知的年代 唔知點解 總覺得戴眼鏡係好型的事
所以經常喺被窩裡用電筒睇書 結果到小二的暑假 
媽已發覺我近視了當時心諗: yes 終於得償所願
可惜惡夢亦同時開始

戴眼鏡的麻煩之處 相信戴過眼鏡的都應該知道 尤記得戴眼鏡的第一年
已深感後悔 可惜一切已無得返轉頭了

喺初初戴眼鏡的時候 經常戴戴除除 近視的度數亦跟隨增加
到小四的暑假 已沒可能再除下眼鏡做人了 (現在係 850度 變態) 
這又重又厚眼鏡 20級討厭
還在甩繩馬騮的階段 眼鏡全被炒單車/食波餅以報銷
當時真係以為 眼鏡應該甩唔到身了

到出唻工作 無意中跟朋友去眼鏡店 
(當時仍覺得 硬生生塞一片鏡片入眼 超恐怖)
但經這好有耐性的 sales 游說下 又由於我有頗深的散光 
較舒服的soft lens 無我份 只能揀 hard lens
要識戴識除都唔易架 經過一段時間練習 終於可以除低副重重的眼鏡

固然戴 hard lens 都有佢唔好之處 但如果你叫我戴返眼鏡 
又似乎無可能 喺屋企要戴眼鏡的時間 大約只有4hrs 
但太深近視關係 我只會揀無框超輕身的眼鏡框



呢副無框的眼鏡 使用率極低 可惜...



前幾個月 被我發現木框的眼鏡 以我超好奇又超貪新鮮的性格 又再一次破費
不過有框的眼鏡 我估我有15年無戴過 今次仲係木造 重上加重...
雖然每日只戴幾個鐘 但我的鼻樑 & 耳仔 真心痛

玩嘢!!!!!!!!!!!!!!!!!!!!!

搞錯呀 打左成朝一按 save 成篇 blog 消失左20級嬲

無所不在

前排與友人去唱k 再對上一次唱k 已經係3年前的事 
尤記得唱得最瘋狂的階段

係卡拉ok 剛剛興起 癲得一星期唱3晚 又唔係好歌喉 
但就一直沉迷 當年收費
仲好貴架 一個垃圾般的生果盆 夠膽死收你 $60

今次唱k 平到唔信 每人$50 埋單 幾正 (雖然我極相信佢係計錯)
在短短的2hrs 一大半都係揀舊歌 無辦法 年紀大嘛 依家D新歌又唔係太啱聽
一直都相安無事 直至突然播出呢首 : 無所不在




我奮勇去過 繁忙過於心碎
你會教我痛心 好像你也豁出去
日夜十分匆忙　無暇問你會否太累
你仍微笑去扶持我　加緊去追

* 你給我的心愛　是無所不在
   凡事百般寵愛　用你未來換我未來
   你給我的心愛　就算大雪怎掩蓋
   世界已沒其他東西
   令你再放開(令你再喝采)
   世界已沒其他可比　是你的溺愛

我每次跌痛　仍然有家歸去
你有你挫折　總不斷叫我掛心裡
在睡夢中醒來　仍然為我抹乾眼淚
有誰留意你眉頭有點點雨水

你給我的心愛　是無所不在
凡事百般寵愛　用你未來換我未來
你給我的心愛　就算大雪怎掩蓋
我縱太倦　無聲感激　但有心裝載

原諒我總不太用心　初生般貼著你心
你善良　我善忘　你萬能　我未能
如像你　去為我著緊

Repeat *

唱到一半 眼淚就滴落唻....
其實有D歌 只要用心聽 眼淚就自然會滴

是日重九

是日重陽節 習俗上理應要去'登高'

所以有人會去拜山 可惜我家從未有呢個習慣

今年的秋 來得好快好急 好似突然就唻到咁 又突然記起

微涼的秋 盪來傷口 微涼的酒 苦澀輕透....

上星期初都仲係好熱 晚晚都要開冷氣 但到今日 連風扇都唔使開 涼得幾厲害

放埋今日公假 就要等到聖誕喇 餘下的 annual leave 就要慳住使

點解聽日要返工...... 但我今晚又唔想瞓覺 

如果唔瞓 聽日又點返工 究竟我講緊咩??

突然想去 BBQ  又想去海洋公園 又想去澳門

其實呢....我非常討厭果D"廣告留言" 為避免呢個問題

已經唔俾任何人回應呀!!!  你仲死要去留言版

stop it stop it 真心嬲

滂沱大雨

是日 得一個字 : 雨

朝早大雨得以為 8:35 仲係 5:00 但身理時鐘要我起身 (去廁所)
成朝都超大雨 大雨得想出門口去食早餐都無心機 眼見突然細雨
速速換衫 點知...又唻落過
零理 照衝落街 將所有事情辦妥 返歸

雖然星期日通常都留在家 但連望出窗咩都睇唔到 就未免太無 mood 喇
我仲發覺 D風雨好似係專向我個窗潑 就連抽氣扇的小小空隙 都會滴水
全日...沒精打采

好彩食過晚飯 媽拎出尋日我要求買的迷你西瓜



真係好迷你架 size 有如兒時玩的西瓜波



佢個頂仲有張貼紙 幾句廣告字 有少少搞笑



講咩都假 切開再講 哇 又薄皮 仲好甜添 $15 抵
心情當堂好晒

日之味

呢間細細的日本餐廳 大大話話都幫襯過好幾次 但到今日再去食完
都唔知佢叫咩名 自己都覺得太衰 (好彩上網可以搵到)

記得佢開鋪初期 門口排隊的人 多得超級誇張 規矩又多多 

可惜 元朗已開左好多日本餐廳 搶走好多客喇 不過我亦注意到 

佢D職員全部都零笑容架 去過咁多次
真係一次都唔寬容 不過可能係我要求高

佢老闆都唔覺有問題就唔係問題啦

至少有三年無幫襯過 今日再食 結果....好可惜 全餐只有65分



以前佢D三文魚係極厚架 依家薄左好多 仲斷開埋 呢個65分



好彩有呢碟刺身補數 睇相都想再食 呢個有85分



曾經叱吒一時的"芒果蟹子沙律" 今日佢話芒果賣晒 唔係玩野嘛
當堂失色晒 呢個 40分咋 sorry



呢個"炸軟殼蟹" 係全餐最差 唔知佢揀咩蟹 無蟹味架喎
呢個... sorry 零分
( 叫果陣 我好似有預感佢會唔好味咁
只叫一隻 以我呢個蟹王唻講 叫一隻真係無可能)



再唻什綿天婦羅 雖然佢D炸漿厚左少少 但出奇地少油喎 OK 啦...65分
(蝦都係無味架喎)



呢個 黃金蝦帶子燒 搶回好多分數 雖然D帶子唔知喺邊
但佢加左金菇 燒起上唻 又香又爽 呢個有85分