上一次去長洲 已經係兩年前的事
下一次會唔會再要等兩年呢?
今次想入去的動力 其實係想食海鮮
但今次最失望的 竟然係海鮮
見到佢就知我地去到碼頭啦
好可惜 天色都係矇矇的
(唔落雨 應該要感恩喇)
好肚餓的第一餐
燒汁巨形魚蛋 好彈牙好好味喎
經過幾次經驗 長洲雞翼 係幾好味的
極度乾身的西多士
後來先記起 牛油都無落 唔怪得爭咁D味啦
茶餐廳 貴到咩咁 搶錢
今次入長洲另一目的 就係想食芒果糯米滋
呢個 good
另一個話好馳名的 芝士焗蠔 & 帶子
dee....咩唻架???
帶子同蠔 over cook 超級縮水
佢放滿晒椰菜 再加芝士
椰菜已經焗到甩晒色 黃晒
見到都唔想食 勁想退返比佢
成隻野 完全無味架喎
竟然夠膽死拎出唻賣
轉頭再食一粒
呢個係每次入長洲必食的
魚肉豆卜
好喇 唔信邪 再試另一檔的焗蠔
味...都係無咩
但至少佢有蠔味
特別要介紹返 呢枝澳地利菠蘿汽水
好好味架喎
我就係想睇呢個 以入長洲
至於搶呢一 part
我就無興趣喇
去長洲 影下船仔是常識吧
胡亂入一間海鮮檔
點知中招
無味的.....聖子
無味的....炒蜆
好似淨係食到蝦屎的鮮蝦
呢碟菜係送的 反而係最好味
痴根 呢碟野係乾蒸的
粉絲 好似鐵絲咁 dee 你呀!!!
呢間野必需要記住 以後唔好幫襯
條氣好頂住 即刻食粒榴槤糯米糍
黑氣未過 呢舊芒果係酸的 棄掉...
喺好飽之下 一直猶豫食唔食呢碗豆花
哇!! 真係無錯到的決定
滑到呢 人生有返晒希望
再唻一隻"即制"糯米滋
呢一間個皮係最好味的 要認住佢
今日好曬 曬係我的大忌
長洲有個市集喎 有呢把手動風扇
好得意喎 按一按又有少少風吹下
個市集都幾多野睇
呢個皮革証件套 同迷你八達通套
幾靚 最重要佢唔貴喎
幾廿蚊就有交易
呢個包仔好得意 佢有頗多選擇架
我揀 "有錢人" 哈
太平清醮將至 好多鋪頭都會整D "平安" 野出唻
呢把摺扇 最欣賞佢個小袋仔 得意!!
