今次呢個東京之旅 喺多風多雨之下出發
(連民宿都被人取消左兩次)
(連民宿都被人取消左兩次)
我地無左個 "領隊"
因工作理由 自己都有諗過放棄
因工作理由 自己都有諗過放棄
但種種原因下 我同友人如常出發
呢10日.....應該會充滿挑戰
亦感謝身邊的友人
知道兩個可憐蟲 孤身上路
伸出援手
又原來 依家 youtube
好多人會直播自己個 trip
啱晒我地呢D生手上路 直接照跟
未出發 要買電話咭
呢隻 超級推介 價錢又唔貴又快
又因為我地去 10日 要買兩張
旅程中 意外地試左另一張
當場比下去 慢到無朋友
連 whatsapp 都收唔到
第一次搭 "埃塞俄比亞航空"
呢間航空公司要求 at least 3 hrs 前到機場
咩料呀??
最賤係咩呀 佢自己 counter 未開喎
叫人咁早去做咩呀??
無野做 唯有坐下食下囉
旅行喼 我地又出發喇
有兩隻跟尾小鬼
第一次試呢間咖啡 唔錯喎
呢間航空公司超準時 少少 delay 都無 非常好
超準時上機
未出發前 喺討論區見到有人講
要帶定口罩
點知....上機時冷氣未夠
味道連口罩都頂唔住 OMG
唔對路 要再多層有香味的紙巾擋一擋
後來先知道 原來我地周圍
都坐滿 "黑珍珠"
佢地一郁D味濃到呢 >.<
唉!! 都有預感喇
之前忙到咁 "一放假就病"
結果....
一上機 我個鼻就全塞了 很好
BTW 個鼻塞到咁 黑珍珠的身味
仍然可以直上腦 幾勁
又原來飛東京要 4粒幾鐘
東京係咁遠架咩??
對一個喺機上瞓唔到的人來講 其實都幾辛苦
呢間航空公司個餐 出奇地好味
轉頭 我已經食晒喇
比預期快左少少到步
但過海關排左好耐
算係順利買左出市區的車票
亦算順利去到民宿
因為東京的酒店價錢好貴
團友揀左住民宿
但住民宿 好睇彩數
以一上機就病左的人 彩數好明顯係奇低喇
下....細到咁??
開晒D床 根本無路可以行架喎
同埋
超級污糟 每一度都係塵 +
地板係黏淋淋的 +
三大袋"有味"垃圾無封口 +
床單枕頭滿佈頭髮的
OMG
點呀?? 佢有收清潔費架喎
但好明顯係完全無清潔過
咁佢係咪應該比返清潔費我呀??
頂唔住之下
要幫佢拖地 + 倒垃圾 + 洗廁所 +抺傢俬
點呀!! 去旅行點解要咁可憐要做埋清潔??
住 AIRBNB 都幾無保障
莫講投訴 連屋主都如神秘人一樣
間屋咁樣都租得比人
搞掂間屋 終於可以落街食飯
估唔到民宿附近條街已經有櫻花
都好順利買左傳說中的西瓜咭
呢幾日靠晒你喇
胡亂入一間
醬油拉麵係我朋友 呢個真心唔錯
果舊叉燒 從來都唔係我心頭好
因為佢有好大舊肥肉 點知呢
呢舊佢白色部份 係瘦肉唻喎
咁得意 但豬肉向來唔好
輕嚐輕嚐
東京似乎比我預期中...凍
