今日包車去九份等地區
唉.... 貴人命又再應驗 落雨
仲要大風大雨果隻
遮被吹反左 N次
最後仲要拗歪埋 太誇張了吧
幾時先可以擺脫呢個惡運?
今日 encore "永和豆漿"
意外真係永遠都會發生
食左兩啖 成條飯團 滾地沙去
又好彩....職員出錯
寫多左兩條飯團
唔使再等
呢款有煎蛋 + 豬扒
但我就覺得太油膩
一上車 天...已經好陰
西瓜瀑布 大雨到呢
影幾張相 遮....反左十次
唔得喇 要撤退
時間太早 已經去到九份老街
但未有人開鋪
所以搵間 coffee shop 坐下
oh 好有情調啊
仲播住黑膠唱片
呢個 set 好抵
仲整返件厚多士
去九份除左想影相
另一目的 係想買返隻貓頭鷹
我八年前買的 已經黃晒
見到佢咁擺個 display 真係忍唔住手
司機介紹 我地要食呢個
噢!! 真係唔錯喎 無老點呀!
呢個都係司機介紹的
嗯.... 硬硬實實 唔識欣賞
可以唔使推介
呢個芋圓就唔同喇 都係司機介紹
好味過尋日淡水的十倍
最衰新鮮的芋圓要即日食
勁想買返香港呀
之後我地去十分瀑布
雨....好很大
又由於雨很大 所以瀑布變得好壯觀
講左十次的瀑布 終於都唻到
就算又凍又濕 見到呢個場景咩都值得晒
好唔捨得走 但實在太凍太大雨
十分老街 由於勁大雨
放天燈 好多都直接墮河 所以今次唔考慮喇
咁大雨真係好唔方便
周圍搵地方避雨
呢個雞翼比人介紹過 好多人排隊
又估唔到 成條十分老街
逼滿晒韓妹 更強的係導遊們都一口流利的韓文
講返呢隻雞翼 必...定...要...試
新鮮熱辣燒出唻 無野係唔好食喇
裡面仲塞滿雞蛋炒飯
不過唔好飯的人(我) 就覺得佢塞得太多飯了
太大雨 無得咁行得遠
同埋隻腳有少少唔對路
點解咁凍呢???
原來對鞋頂唔住
入晒水 隻襪濕晒 好唔舒服
所以好早就出返市區
司機先車我地返旅店放低收穫
原本想換對襪
唔知點解啦....呢間旅店係下午先安排執房
每次我地朝早出去 下午想返去休息一下
都遇著執房嬸嬸在執房
這是什麼的安排??
無法啦 襪又換唔到就要走喇
司機介紹 小籠包鋪頭比我地試
呢間絲瓜小籠包 都聽聞過
但絲瓜唔係我喜好 原本無打算試
不過既然車到我地去門口
就試下囉
又勁得意喎 一坐低 就比一杯芝麻糊 (不過係凍的)
對於凍糖水 起碼扣 5分
但芝麻真心香
呢個麻醬粉皮又係另一個得意
綠色的 但固然都係無什麼味道
呢個芝麻醬勁香
主角絲瓜小籠包 上場喇
絲瓜唔係冬天的季節 所以唔好味
好硬 硬得以為自己咬到雞軟骨
噢!! 分數唔高喇
由於我地見佢轉彎有另一間小籠包店
所以都係輕嚐就可以了
轉頭我地就坐喺另一間小籠包店
"杭州小籠包"
湯包的味道係杭州的勝
但我仍略厭佢個皮過硬 突然好掛住鼎泰豐添
喺又凍又濕 對腳又濕晒的情況下
要行幾個街口先到捷運站
係一件痛苦的事
幸好有幾張"收穫
哇 人家的劇院真係壯觀到爆炸
唔得喇 第一時間要換左對鞋
女人嘛 買鞋無難度 呼一聲已經換左上腳
當然梗係換埋對濕晒的襪啦
又原來對舊鞋已經磨穿左
唔怪得入水啦
舒服晒 買D生果慶祝下
台灣的士多卑梨都唔錯喎
呢個寧夏夜市 最出名係燒蠔
梗係要試啦
雖然好細隻 但味道好濃 同埋好新鮮
腳斷的一日 完
