尋日淋左一日雨 對鞋報銷左
又凍左成日 今日有備而戰
換晒外套 打晒底出發 yeah
原本今日都係包車(去烏來)
但尋日司機同我地講
烏來台鐵仲未重開
我地可以取消 booking
咁得意???
唔通我地一日只去一個地方
司機都覺得我地太浪費??
竟然主動話取消?
佢呢個決定 令金牛座的人諗左成晚
有錢都唔賺??
我地只去一個地方唔係仲好咩?
ok 你唔賺我錢 慳返
我地自己搭公車去
搭公車都係總站去總站
超級方便又平好多
包車要 三千五
公車 四十五
呢隻台灣好出名的咖啡
今次只係飲左一次
因為超級敏感的喉嚨 咳左好耐
凍飲真係要戒絕
食左兩日飯團 今日試呢一野
手抓餅 + 肉鬆
哇 不得了呀! 好好味
好喇 基於對肉鬆超級愛好的人
佢做咩都會好好味喇
食完早餐 向台北車站出發搵公車
依家台北車站熱鬧好多 好多鋪頭
但仍未有機會搵搵睇
呢間紅豆餅 勁吸引咁
買隻上公車食都好
友人揀紅荳 我揀左芋頭
噢! 芋頭味.... 失色好多 唔使介紹 嘻
搭公車 1.x hr
唔趕時間的最好選擇
當然搭捷運梗係快D
但萬一無位坐 企鑊金囉
台灣好興呢D腸 但今次見到檔口有放一堆蒜頭
點解呢?? 唔通要一齊食?
好!! 試下囉 唔死人嘛
E....好好味喎
原來要夾蒜頭一齊食架
之前食一條好油好滯
夾左蒜頭 僻左D油膩 正!!
台灣的菜好特別 友人好喜歡
今日下午我地唻餐 "齋菜"
呢碟炒豬肚 係我見到人地叫
我地跟住叫的
豬肚....負分
反而所有配角....咸酸菜呀 薑呀 好好味喎
我聽人講 烏來的"凍" 溫泉蛋好好味
買一粒唻試下囉 都 OK 啦
真係好多特色的菜 全部都唔錯
烏來係浸溫泉的地方
但喺河邊浸 唔知係咩感覺呢
今日勁多人 全部都係男人
今日天氣都好凍 浸到個身暖晒
一上水咪好凍囉 會唔會攝親架?
自問就無勇氣試喇
今次去烏來....落雨
遇唔返舊年喺橋頭果對賣"筍"的公公婆婆
好失望呀!
(呢個係我唻烏來的目的)
好靚的一條粟米 以為好好味啦
頂!! 點解咁咸架????
又老 黏晒牙
烏來有間懷舊零食店
買左包糖唻試下 淡味過師姑尿
買唔到筍 我地食餐"菜"就走喇
因為都幾凍
討論區 有人介紹呢個
喺香港一定唔會食的甜甜圈
唔該 要一個草莓
哇!! 不得了 好好味
今次台灣遊 我沒預好緊逼的行程
上網做做功課就出發
依家旅遊 輕鬆好多
萬事 goo 個 gle 啦
再唔得 就搵個人 "不好意思"
指指篤篤
"盪失路" 無呢支歌仔唱喇
見有時間 我地試呢間 人氣好旺的 o rose
但我地去的時間....零人
yes 包場
職員推介呢個鐵觀音味
估唔到咩呢 但真係...超...級....好....味
一定要試
點解叫 rose 呢
因為職員會好有心機咁 將D雪糕用"批盪"方式
慢慢砌成玫瑰花型態 see
係咪好靚呢?
真心值得推介 有心的朋友
一定要試啊
好啦! 食完雪糕 仲有時間喎
又去買下野啦
食食買買 係旅行的指標喇
今次台灣遊 年輪蛋糕係我的目標
呢個品牌的年輪蛋糕
好多台灣明星訂架
因為佢可以幫你 "辣" D字落去
固然係要訂啦
連簡單的鳳梨酥 印上特別的圖案
成為另類手信啊
佢仲有呢隻 有"涵"的年輪蛋糕
但因為佢要雪 同埋我根本唔食中間果D慕絲
幫佢留個倩影啦
上兩次去台灣都無食
今次一定要食的炸雞
臨走前一晚就放肆啦
今次反而食左幾次 魷魚鬚
真係幾好味架 但就勁熱氣囉
我地旅居附近有間買生果的
佢D生果好似中晒幅射咁
全部誇張地大 我地買唻試下
望望下 佢勁似一個大鼻哥
覺得佢似鼻哥之後 又覺得佢會流鼻水
哈!!!!!!!
