再聚@水佬榮

真係破晒記錄 一星期打三次邊爐
幾好味 幾想食 都係時候收口喇

別無它選 一定係花甲蟹煲
但今次D湯 係咁多次之中 最淡味的 又唔甜
花甲又細又有沙

食左咁多次 從未試過有職員教我地"應該"點食
今次...有個職員不停喺我地張枱徘徊 好心但唔友善地教導我地應該點食
真係估唔到 打邊爐都要咁嚴禁

試過幾款牛 都好難烚得好味 決定只叫'牛舌芯'
起碼一定唔會煮到老晒 鞋過鞋底 又爽!!

呢個什麼薯粉 係我上次的大發現
(好喇 我知發明左好耐 只係我極少食粉麵類)
滑嘟嘟 相當唔錯

好多人都唔敢食豬潤 但誓估唔到我班友人 無人不歡

唔太健康的打邊爐 要有D菜

aiyo... 嚮玲唔嚮呀 又唔係唔新鮮 但係淋左囉

鮮枝竹 又係近排打邊爐另一發現 唔錯唔錯!

嚮玲唔生性 魚皮要爭氣