南山軒

友人推介 : 南山軒 @元朗 (西鐵站附近)
詳細地址請問 openrice
無人介紹 真係唔識搵到果到

雖然話係路邊 但都幾'隔涉'

沿途行入去 仲要係草叢 我呢個蚊人

友人好細心咁幫我準備左蚊怕水

幸保不失!!
thank you

貴妃脆蝦球 一坐低 同場每枱都有叫 我地照跟

大家都餓喇 一上枱即食 超 good

熱辣辣最好味

溫馨提示 : 呢個餸 要襯熱食

蒜蓉炒菜心 都相當唔錯

黑松露海皇炒飯 我初初根本唔知佢有黑松露

上枱時覺得 : 哇 咁污糟架 有黑色一點點

又當然佢無咩黑松露味啦 !!

但飯炒得相當乾身 仲落左美極豉油 

好香唔太食飯的人 食左兩碗

南乳吊燒雞 皮脆肉嫩 very nice

甜酸爽爽肉

原來係豬頸肉 唔怪得叫爽啦

但有點過濕喇 我家的比較好

是日糖水 : 腐竹什麼糖水

吾...糖水唔糖水 (腐竹都唔溶) 湯又唔似湯 (甜喎)

仲加左薏米 但唔知點解好'粗粒'

雖然麻麻 但好有益 要食

睇返張單 竟然無加一喎 

依家有咩餐廳唔收到盡呀??nice 下次再幫襯 !!
呢間餐廳好得意 下午 5:00 後就無飲品供應

問佢啤酒汽水都無?? 職員話: 無

ok 既然你話無 都無法啦 飲水 (幾健康)

點知埋單果陣 後面果枱 要兩罐可樂

個職員仲要問佢 要唔要冰喎

唔通可樂唔係汽水?? 係凍飲??

Avenue Q

呢個係 Musical
係風車草另一新嘗試

一直好期待 蝦頭同風車草再合作
但又完全諗唔到 點又拎住公仔 又要演
究竟係點呢?

哇... 呢個字 我心裡面哇左至少十次
真係好精彩
要排幾耐 先可以夾到咁有密契?
人偶合一... 連表情都似埋架喎

但我隔離 同我前面的... 竟然有人瞓著左!!

我好肯定地說 : 呢班人 全部都係傻的
實在太佩服佢地對舞台的熱愛
太有 heart 喇 

photo from ah dee's facebook

Cafe 19xx

屋企樓下新商場 終於都重開
有少少食肆開左

呢間野 淨係宣傳好吸引呀

睇下!!! 張相幾靚 令我有無限幻想

呢碗湯 似淡如水 但竟然係好好味喎

但呢杯黑牛 一上枱已經好淡可樂味

遠睇都可以

近睇...都唔係焗的 煮熟左D寬條麵再撈D肉醬
難食到嘔茄

好彩個豬扒都有少少分 但佢D薯條係大前日喇
Display 唻的 吃不到

呢間餐廳新開 D員工好似未做過食肆咁
落單錯漏百出 D食物唻完又唻
可以出錯的都出錯

佢間餐廳名我唔記得喇 亦唔需要記得

搵食@ v city

呢幾日...食食食
我是在增肥嗎???

同事P話入唻屯門行下
點知遇著塞車 足足等左 2hrs
陰公!! 住屯門就係咁喇
暢通無阻就好快到 但塞起唻就麻煩喇
永世落唔到車

前幾日另一個同事先問我
點解每日都咁早返工
咁都要預時間佢塞嘛 唔通日日遲到咩?

好喇 離晒題 等左2hrs 終於有得食

想食好耐的海南雞飯
結果 有分的只有飯 & 湯
雞無味 黑鼓油又唔正宗

但講差 都唔及呢個串燒 零分都唔止 負分
唔該你真係比返錢我 頂呀 !!!!

唔合格的午餐行左一輪 去食個甜品補償
nice
這名牌雪糕店 自從摺左好多分店之後 好少幫襯
貴左好很多

炸野達人

前兩日先食完炸野 好掛住佢D"菜"絲!!
無錯 掛住的係菜絲

其實唔係想食得咁密架 但成個 V city
所有食肆都超超超多人 每一間食肆都有一群餓人
要等到有位 起碼係 1.5hrs

所以唯有轉場覓食

今次唔係鞋底豬扒喇 只叫海鮮

叫一個餐 可以加錢要個剌身 nice

食左幾隻蝦 好似唔多夠喉咁 叫多個炸蠔

飽晒...食件西瓜清清個口
埋單唔該

颱風日~尤特

打風 果個天文台真係不知所謂
其實根本就決定左幾點落波啦 一直都話 14:00前後
我一心諗住 今日實唔使返啦
(我地係 14:00落波唔使返嘛)

無拉拉多日假 梗係約人出去玩下啦
點知 13:40 突然落波喎 即係=我要返工喇
約晒人喇 只好放假囉

掛緊風球都風平浪靜 一落波就狂風暴雨

曠工...主要目的係約左人去TEA

呢杯野叫 : 美綠恐龍 好 good 唔太甜

可以揀的 tea set 唔多 揀左最穩陣的兩款
好彩無失望 好好味呀

行左幾行 又食
張相幾靚 但係假的 display 唻架 唔食得

搞芝麻係必定動作 好香啊!

日本飯要食

呢個先係真 賣相都唔錯
大部份都唔錯 除左果片應該係主打的豬扒
又乾又鞋 柴到呢!!!

呢個沙律 好怪味 沙律竟然辣辣地 仲唔知撈左咩醬 好怪 

粉紅色的天空

老爸的矯型牙模 要跑到老遠的堅尼地城
由屯門去堅尼地城要 2hrs 來回 = 4hrs

但無法呀 全港得兩間矯型牙科睇
九龍區的 長期爆滿 排期 at least 1yr
香港區就快少少 9mths

佢D時間仲要超正 14:00 放半日都要好趕好趕
不過呢間牙科的醫生 & 姑娘 都好好人 教晒我地點搭車
但第一次我地都係揀左"的士" 未去過又怕遲到
姑娘姐姐好好人 教我地唔使搭的士 好多巴士都到堅尼地城
唔塞車一定唔會遲架

今日係第二次 揀左巴士 無遲到

明明一程巴士可以返屯門
但老爸未卜先知地話一定會塞車 堅持搭西鐵
結果我地由巴士~地鐵~西鐵~輕鐵
左轉右轉 終於返到屋企

CloseRice 盈暉

有時食左餐'巴鬼'的 條氣真係超唔順架
呢間酒樓 唔好食 職員態度奇差 仲夠膽死收人超貴

好少見牛展咁乾 以為好淡 點知... 勁咸

dee拿媽... 尋日的蛋撻 咪拎出唻賣啦 pk

佢話係燒腩仔 睇都知係燒腩佬喇

極淡味的燒賣

呢個比較好味 但好辣

呢個拉腸粉師傅 要推出去斬 D皮厚到咁 叫我爸教下你啦

又係無咩味的雞扎



好正常都係叉燒包食完呢餐野 胃又唔舒服 明明好多都好淡味 但又極口渴
仲要遇上 deadline 通知 真係人都癲
好嬲呀

再聚@水佬榮

真係破晒記錄 一星期打三次邊爐
幾好味 幾想食 都係時候收口喇

別無它選 一定係花甲蟹煲
但今次D湯 係咁多次之中 最淡味的 又唔甜
花甲又細又有沙

食左咁多次 從未試過有職員教我地"應該"點食
今次...有個職員不停喺我地張枱徘徊 好心但唔友善地教導我地應該點食
真係估唔到 打邊爐都要咁嚴禁

試過幾款牛 都好難烚得好味 決定只叫'牛舌芯'
起碼一定唔會煮到老晒 鞋過鞋底 又爽!!

呢個什麼薯粉 係我上次的大發現
(好喇 我知發明左好耐 只係我極少食粉麵類)
滑嘟嘟 相當唔錯

好多人都唔敢食豬潤 但誓估唔到我班友人 無人不歡

唔太健康的打邊爐 要有D菜

aiyo... 嚮玲唔嚮呀 又唔係唔新鮮 但係淋左囉

鮮枝竹 又係近排打邊爐另一發現 唔錯唔錯!

嚮玲唔生性 魚皮要爭氣