日之味

元朗越來越多野食 但一諗起一街強國人 令人卻步
但有必要 都會走轉

淨係望張相 已經好吸引

壽司癮發作 食幾粒啦

好新鮮的芒果蟹子沙拉

其實都好大盆架 但芒果份量...極少



哇... 十年無食過的金菇牛肉卷
ok 好味

友人推介 鹽燒三文魚頭
好香又唔鯹又有益 good

再遊澳門 4

眨下眼 就到第四日 今日要返香港了
對腳真係就快行唔郁喇

臨別秋波 要 encore 個三元粥

再要 encore 呢個巨型三文治 今日唔使排隊 正!!

幾晚都太夜瞓 要出動珍寶救命咖啡
真係好誇架

一杯正常size 一杯珍寶
裝埋咖啡 要兩隻手先拎得起

友人再食呢件...什麼 cake 我唔記得叫咩名喇

今次實在買得太狼 友人 last moment 都仲要去八百伴最後衝刺
酒店房可以 late check out 到 14:00
我地要盡快放晒D戰利品入喼走人

喺 NICI 簡直瘋狂 杯都買左四隻
實在太得意喇

仲買左呢隻長頸鹿吊飾

喺拱北辦完手續 我地去左佢個地下商場 shopping
目標係手機套 平香港好多 又可以講價 好抵呀

呢隻藥膏搽皮膚的 我頭的壞皮對佢好見效
但依家好難搵喇 今次喺拱北見到... 大手入貨

呢枝 anna sui 旅行裝香水
喺威尼斯人個 duty free 見到 香水狂即入貨

蝴蝶袋熱潮已告一段落了 但佢出左一系列公仔 
好得意架 買一隻啦

其實都唔係買得好誇啫??

買得狼 係要付出代價的
"爆喼"之餘仲要拎兩袋 實在無辦法下
要搭的士返屯門
無可能拎唔起 價錢亦比我想像中平

再遊澳門 3

今日忙呀 去旅行都忙

友人帶我地去試新野
件豬扒炸得脆脆的 好薄 一點油都沒有 ok 唔錯

但我揀左麵包 隻包仲要係普通過普通的豬仔包
乾到呢

唔緊要 我有件鮮油多補返數

再唻一枝媽媽奶 咩都順晒

之後我地過左拱北 辦點手續
順便行下

逛左幾個鐘 行都腳跛 又口渴
提子汽水... 只會喺澳門先會飲的

香港未見過用呢隻杯裝凍飲

鮮油豬仔麵 好耐以前 友人媽媽介紹的
自此 經常叫唻食

以前呢間的豬扒好好味架 退步左 失望ing

轉頭再食李禧記的雙皮奶

友人試佢的薑汁撞奶 但今次薑汁唔夠 唔夠味



誠意推介 芒果條 唔似香港落勁多化學野 好清架
買左兩包 勁後悔買咁少
圖中的果皮 對清痰止咳好有效
只需放一少片落茶一齊焗唻飲
我地呢D喉嚨弱者 一試無坊

夜晚我地去左'銀河'食Buffet

什麼也沒影 只影左呢張 pancake + 榴槤雪糕 超正

是日宵夜係 買左兩日的木糖布甸
果個榴槤味正到呢

再遊澳門 2

尋晚真係瞓得好好 雖然極夜先瞓

今次酒店包早餐

友人說 唔食都落去望下
我淨係揀左煎蛋 加左芝士同火腿
由於從來未試過加芝士的雞蛋 所以決定試下
點知呢個決定係錯的
芝士... 零味

都係拿拿淋出去食個三元粥好D

條氣順返晒

然後要返酒店執行李 因為我地要換酒店
新麗華位置實在太方便 但由於分開訂
第二晚訂唔到 要搬返去總統



總統係個 view 好D 雖然澳門好細
但攰起上唻 行少幾步就係幾步嘛

瘋狂食野落肚 排毒都係非常重要的
八百伴買的車厘茄 只需 $3.40
幾抵!!

盛記白粥 N年無食過 仍舊好味

可惜碟腸粉唔夠熱之餘 仲有點硬
但魚肉燒賣仍舊好味

友人突然話想試芝麻糊
係呀 盛記的芝麻糊好好味架... 但我比較喜歡熱的
凍的... 怪怪咁囉

Openrice 有人說這綿花糕好味 友人堅持叫唻試下
零分甚至負分 成舊可以歸西

好好味的蛋散賣晒 友人說要試馬仔
唔夠鬆化 但味道 ok

盛記芝麻糊好味 估唔到芝麻糕都相當出色 以前無的

搭左好耐車 終於入到路環

咩都唔使講 食隻葡撻先

呢個沙律 上次好好味架 成日掛住
但今次... 細碟左好好好好好好好好好好好好好好多

友人揀左南瓜燉蛋 sorry 呀 個樣真係唔得呀

救命咖啡要出動喇

食完一輪 我地又返到酒店 hea 陣

有隻好鐘意望街的長頸鹿
貼住個窗好耐

望完左 又望右
由得佢 one-night-stand 啦 唔好阻佢

晚餐 : 六記

鳳爪拼豬腸 又係好耐無食

炸鯪魚球 + 炸雲吞

錦鹵雲吞 呢個汁唔少得

最想食的蟹籽撈粗

炒蜆 又係好耐無食過 原來好辣架

唔少得水蟹粥 相當唔錯

飽極
但仲去買糖水 哈

今次揀兩溝 紅/黑
錯誤的決定 唔好味
以後食返紅豆粥

是日亮點 : 有三條超愛榴槤的女人 因為怕被酒店趕走
就在街邊解決了一盒榴槤
回想都太瘋癲喇嘛