別了 2013

今年真係...呼一聲咁過左

雖然 80%假期都係陪爸返去各部門覆診

但總算穩定落唻 牙模都搞掂了

希望一直向好!!

今年...病...好多

身體差左多 明顯地抵抗力都接近零

可謂鑊鑊新鮮鑊鑊甘

下年願望 別無他選

一定係身體健康 愛我的 我愛的

請你地好好保重!

Boxing Day

原本無諗住買咩禮物的 但唔買唔買又兩袋!!

sam 哥眼鏡 很靚!

今年 uniqlo 薄羽絨好抵 原價$499 減一百 $399

初初無諗住買 但陪人行左幾次 終於失守

收檔

就算已經將 blog 搬好

但見到呢個版面 心仍很...痛

以後無 blog 睇喇

聖誕飯@南山軒

原本以為今個聖誕假無節目

點知未到假期已經開始食....

尋日打完邊爐 今日再盡興 飲呀!!

呢碟拼盆 只係食左豆腐 又滑又正

芝士伴海蝦伊麵 芝士太多頗膩

忙於食蝦伊麵 呢碟蝦蒸蛋白無試到

呢碟沙律醬大蝦 好正架 
但同枱有幾個對蝦敏感 所以我就狼吞左三隻

一字骨 外邊的豬肉好難整得好食...今次都唔例外 太熟好柴

但佢中間 間場的 係番石榴 好得意 酸酸甜甜的

噢!! 又係蝦...實在太多喇

呢碗係什麼蟹羹 好好味架

肉鬆炒四季豆...就係四季豆味囉 沒怎特別

呢碟就唔同喇 上湯浸豆苗 豆苗又係我最喜歡 但好多隻蝦已攻佔左我個胃

近排聞雞色變 見到佢D骨有血已經唔敢食

以往見血都唔食 莫講依家高危期 都係小心D好

哇...呢個飯...實在吞唔到喇 至於咩味 就係咸咸地咁囉

咳人禁忌 凍飲!! 輕嘗輕嘗

聖誕快樂

聖誕節喇 今年...

竟然沒太大興致

弊喇! 真係老喇 但唔排除太凍...很冷!

ps : 瘋了! 剛才輸入標題 : 聖誕快樂 變成聖誕快藥

好明顯 近排藥食....很多! 頂

平安夜

今年...經常覺得很冷

年感 死纏不散

咳...很久

鼻水...流不停

鼻敏感...又來湊熱鬧

藥...不停食

很冷的平安夜

都係匿喺被窩 比較好

左麟右李10週年

一直考慮 睇唔睇

但話晒 十週年 點都入場支持下

舞台劇就睇過日場 估唔到依家演唱會都開埋日場

但熄左燈都係...一樣啫!

尾三行....一個字.... 高!! 

入場有螢光棒派

大家都有螢光棒喺手 場面好壯觀 好靚!!

呢個演唱會 第一次一粒聲都無嗌過

因為根本就無左聲 哈!

為免失聲情況再進一步惡化 靜靜地享受

首首都係金曲 大家都耳熟能詳 個個都睇得好投入

澳門遊 day 3

又天光喇

三元粥 唔可以錯過

婆婆白糖糕 幾次都樸空 今次...買到喇 仲係剛剛出爐 仲噴煙架

臨 check out 突然醒起雪柜有個木糠布甸 狼吞呀要

白粥 下火也

咸味的煎堆 有茶樓的炸春卷涵 幾得意

好滑的炸両

原來兩個人食 都幾吃力架

狂食左幾日 要叫個凱撒沙拉

有少少散開左的拉花

晃記連香蕉糕都賣晒 我去左咀香園買

今次都唔算買得狂啫?

香港買的 每包得三粒 日本的 每包有四粒

住左總統咁多次 從來唔知佢有酒店車
今次走的時候 見到佢有部 van 仔喎
多口一問 原來係有架 仲有職員幫我搬行李上車
唔該晒
仲叫我坐另一邊 無咁曬
好細心啊!

澳門遊 day 2

天光喇

總統 望出去個景真係唔錯

今日行程有點緊密

舊式茶餐廳先有架依家

薄薄的豬扒 味道唔錯

哈 喺香港都好少食粉麵的人 去澳門 真係咩都食落肚

之後我地過左拱北按摩

第一次 相信亦係最後一次

坦白講 我唔識享受 痛到不之得了 唔知搞咩 受刑一樣

貼錢賣難受

其實去拱北係諗住睇機套

但超級失望 款式比香港更少 連 mon 貼都貴過香港

但有條八卦妹 見到人地鋪頭店員食緊 m仔

菠蘿派??? 香港無喎 仲發現有香蕉派添

兩隻相比 菠蘿派無得輸 仲要超多果肉 正!!

開心大發現 2 : 街邊牛雜

香港 $10 得一串 澳門 $10 有一碗

街市狂人又逛街市

香島... 好掛住你呀

瘋狂加價的椰汁 細細杯 多謝 $13

榮記豆腐花 真係食極唔厭

夾餅 真係無法忍 一定要 encore

返酒店休息一陣

就出發去食我期待左好耐的 MGM Buffet

唔知係咪期望過大 覺得好一般

仲要幾貴喎 $420

我諗我唔會再喺澳門食 buffet 住喇

蠔...是日吃很多

原本諗住出去散步 但友人說 按摩後一日會好痛

我都驚驚地 好啦! 都係早D休息啦