自責

年幼時代 媽要照顧家裡兩隻超頑皮化骨龍
得老爸一個工作 養活一家
理所當然地家貧 經常被無品的親朋戚友看不起

媽為此非常介意 所以從小已不斷教訓我地
1) 不要看著人家食野 無必要人家請你食飯
2) 不要羡慕人家的玩具 你想要咩 盡管開聲
媽會盡一切能力 都會滿足你倆
窮可以 沒志氣不可以
人必需留點錢 否則就會被人看不起

除左 "留點錢" 呢個 point 做唔到
其餘的我都做得很好
從不貪 亦從不吃/要人家的東西 要什麼 自己買
自己買唔起 就如媽說 : 盡管開聲 從不缺什麼地快樂生活

但人總是善忘 會忘記教誨
有時候又會貪得意 借用人家的物品
唔知係咪媽的咀咒 每次借人野都會'瀨'野
唉...
前幾日 貪得意借人家的手機套一用
明明自己都有好多啦 仲要借人
結果抵死啦 唔知點解整到個套污糟晒
好彩還人之前望到 萬一戇戇居還左俾人咁點算呀?
唉...
後悔 無限後悔 又要想辦法補救 唉