開關係

初初睇呢個劇題(開關係) 真係唔太明白
原來佢係以 open relationship 譯過來
咁就易明好多

呢個劇睇得非常投入 沒中場休息 所以節奏好緊湊
無人玩電話 大家都好專注 非常好

呢個劇 直接講出感情世界的真實一面
人越大 就知道根本無什麼童話式的愛情吧

呢個劇同 "戀 love love" 類似
都係顯示人性真面目
幾赤裸 幾真實

雖然我小小唔明 點解 ken wong 要咁去測試身邊人
真係要不斷試煉 不斷探求 先會搵到真愛?
有咩好處呢? 尤係喺呢個感情咁脆弱的年代
感情來得咁計較 又有咩謂呢?
點解一定對方改變? 點解自己唔可以配合?
day 1 你識對方果陣已經係咁啦 點解一齊左就想對方改變呢?
會唔會太好笑呢?

今次個劇D對白 都幾強
例 : 你肯切D肉出唻 就證明你愛我喇
若然你肯切 我會切 double 證明我更愛你

但都有少少瑕疵 演員都頗緊張 一地螺絲
而且轉場的場口好麻麻 唔順又嘈 吱吱聲
小龍話入左台 先發現好多問題 希望往後幾場會好D啦

另一個頂唔住的 係 ah dee 同劉雅麗的姊弟戀
唔得呀真係 真心襯唔埋

但另一個要讚的係個個都唱得好好呀
尤其劉雅麗一開聲唱 "專業" 無得講
陳康的低能動物 亦超 good又南 : 但我會成為你最牽掛的一個漢子
歌唱得好不特止 何炳的現場鋼琴 又係超正
燈光亦相當唔錯
有一幕打全紅色的 很強

13場爆滿 想買飛的朋友沒希望了