豬頭炳: 9月 2012

2012年9月30日星期日

中秋夜

有條友啦完全唔知中秋已到 (但月餅照食)
無法喇我家近半年什麼節目都沒慶祝直情提都無提
老媽已經太辛苦老爸亦不在狀態大家好好休息吧

但月餅都可以繼續...食

今年終於訂到

(係呀過往兩年都遲左無機會試到今年得貴人幫忙)

吾... 其實都唔係傳說中的好味
講完

好多年都無買的雪糕月餅今年都湊熱鬧地買
頂呀超超超迷你細粒過雪糕糯米滋
但價錢應該貴 20倍

舊年覺得最 GOOD 的奶皇月餅今年必選

價錢又唔算好貴食得過的選擇

喺微博見到 Wyman 佢地去左望月整月餅
原來教授的係奶黃月餅的創辦人
整就無興趣 (我唔會成功架)
食呢... 即刻訂一盒唻試下

與友人分半盒好彩佢有出福袋因為好快就分晒喇
自己好似得返一粒
福袋價錢仲平D

講到咁好味即刻叮個唻試下
呢個係唯一叮左無爆開的
味道超 GOOD 又唔太甜正

今年市面出左月餅扭蛋由銀行都要搞呢D噱頭野
生意難做

同場加映 : 史上最難食月餅此名牌咖啡店出品的月餅
曾經想買唻試下
好彩... 真係好彩今年同事拎左出唻'分享'
哇吞都吞唔落難食指數爆錶
佢地自己有無試過架究竟? 味好燶好似食鑊底咁

2012年9月27日星期四

19年

工作滿19年踏入20年喇誇...

今年都係打邊爐 @禾牛薈
(舊年都係打邊爐又係沙爹湯底)
其實我係想去食 Buffet 架
可惜太遲 book 想食的 full 晒

呢個沙爹湯底好得意有豬皮又有冬菇片

呢間野的茶介醬料係勁貴的 $20/人
我只係拎左少少花生醬 & 蒜蓉粒真係蝕入肉

喺網上見到人地話呢個鮑魚好正每人叫左一粒
呢隻鮑魚係新鮮的因為係生的仲郁的鮮甜無比

呢碟竹笙好得意喎竟然切開一分為二喎

非常香脆的魚皮

手打豬肉幾正架

自家制餃子有條傻妹咬左一啖 dead air 左兩秒
然後爆出一句 : 彈牙

呢個冬菇釀墨魚滑好正架

手打蝦滑勁正

打邊爐唔少得的肥牛

呢款係該店的特式菜式 "老友鬼鬼"

油炸鬼釀D蝦滑再拎去炸有點太油

點都要食D菜之菜心苖

越食越辣早有準備竹庶水
(可惜我依家已經喉嚨痛唔好鬧我呀)

埋單送上甜品可惜近排食太多月餅如非必要所有甜品暫停

叫咁多野食好明顯再再再一次眼闊肚窄啦
全部野都只食到一半鑑於不能折墮關係全部包起拎返屋企

喺呢十幾年的工作生涯最令我感恩的係識到你
無你... 呢十多年沉悶又超煩的生活唔知點過
有你真好

2012年9月22日星期六

初初睇呢個劇題(開關係) 真係唔太明白
原來佢係以 open relationship 譯過來
咁就易明好多

呢個劇睇得非常投入沒中場休息所以節奏好緊湊
無人玩電話大家都好專注非常好

呢個劇直接講出感情世界的真實一面
人越大就知道根本無什麼童話式的愛情吧

呢個劇同 "戀 love love" 類似
都係顯示人性真面目
幾赤裸幾真實

雖然我小小唔明點解 ken wong 要咁去測試身邊人
真係要不斷試煉不斷探求先會搵到真愛?
有咩好處呢? 尤係喺呢個感情咁脆弱的年代
感情來得咁計較又有咩謂呢?
點解一定對方改變? 點解自己唔可以配合?
day 1 你識對方果陣已經係咁啦點解一齊左就想對方改變呢?
會唔會太好笑呢?

今次個劇D對白都幾強
例 : 你肯切D肉出唻就證明你愛我喇
若然你肯切我會切 double 證明我更愛你

但都有少少瑕疵演員都頗緊張一地螺絲
而且轉場的場口好麻麻唔順又嘈吱吱聲
小龍話入左台先發現好多問題希望往後幾場會好D啦

另一個頂唔住的係 ah dee 同劉雅麗的姊弟戀
唔得呀真係真心襯唔埋

但另一個要讚的係個個都唱得好好呀
尤其劉雅麗一開聲唱 "專業" 無得講
陳康的低能動物亦超 good又南 : 但我會成為你最牽掛的一個漢子
歌唱得好不特止何炳的現場鋼琴又係超正
燈光亦相當唔錯
有一幕打全紅色的很強