轉載微博

~  睇到D好野 要同大家分享  ~

無須在意別人的評說 
只要把自己的事情做好無須看別人的眼神 
只需走自己的路無須有過多的抱怨 
那樣會使自己的心更累不管走在何處
我們都不要迷失自己

迷幻 weekend

這兩星期 很好...全家病晒 簡直係細菌大爆發
全家輪住去睇醫生 實在太好 唔使擔心邊個傳染邊個 
全部一齊打針食藥
今次的病菌 來得兇亦去得快



我決定今日清晒D藥 終於淨返一次
呢個醫生D藥 出名強勁 食完藥的反應 :
人...很暈 (原本已經很暈啊)
喉嚨...很苦
腳...很飄
半小時內必定'攤'屍
醫生 你係咪開錯迷幻藥呀

小人三國

原本已痛的喉嚨 睇完套劇 又笑又叫
又變左'喉沙沙'代表 激氣呀



第一幕就提到中央圖書館 越縮越窄的維港 同胞們購物時的豪氣
不過我相信只有香港人覺得 香港的建築物越來越'唔知搞咩'的設計
睇得眼都冤 同胞們都似乎頗喜歡的 因為成為景點之餘 
大家都拍照留念啊

第二幕的 office lady pantry 吹水事
我公司都好多啊 但地點多出現在 toilet 
奇怪大家都以為在 toilet就沒人知 別傻吧

第三/四幕 都圍繞說香港依家D神怪家長
我好深信 香港的未來一代 會係何其恐怖
有報導都講 : 好大個都唔識綁鞋帶呀 甚至唔識抹咀
好多家長以為幫兒女安排一切 就係對佢地好 又唔明咁樣會害死佢地
我亦深信 有咩家長 就會有咩孩子

不得不提 今個劇D衫好 grand 好勁 尤其呢兩幕 勁到爆炸

第五幕的面書殲滅情敵
上次睇小人國2 我都未玩面書 (依家固然超沉迷啦)
近年面書已慢慢變質 面書發明的目的係搵下朋友咁呀
依家D人 利用面書搵情敵呀 揭發身邊人有無第三者呀
甚至有報導話 某外國媽媽第一時間透過面書求救 (個仔遇溺)
竟然唔係立刻報警等愚蠢行為
咁面書的發明 係幫人定係害左人呢? 就要睇你點用法喇

跟住第六幕 係零興趣的 : 華麗特首賽
~ no commond ~
都講過好多次 依家從政的一班茂利 各懷鬼胎
邊一個係真心希望香港好呢? 請大聲講個名唻聽下 唔該

最後一幕 係感覺最強烈的 : 古代香城仇富地產戰
近年香港樓價再次升到一個'瘋癲'的價位
我唔知一個普通的打工一族 點買得起 連個首期都無希望儲到
依家D樓 爭相購買的 只有國內的同胞 (咁佢地D錢又點唻呢)
身邊亦有友人為層樓 死慳死抵 更有人認為一定要有層樓揸手 先有安全感
亦有人因為無樓而無得結婚 真係唔知咩道理

成套劇 有 80% 都係哈哈大笑 完場後 我的牙較很痛啊
今個劇請唻謝雪心姐姐 坦白講 初初係有D擔心架
人家係粵劇紅星嘛 要同一班後生仔同台 會唔會夾唔到呢?
不過有好多幕 令我佩服得五體投地 而且薑始終越老越辣



上次訂左但去唔到拎的碟花 終於買到
ah dee 簽左唱片公司 加油呀

ps : 劇後感 要等我的喉嚨 & 骨 & 咳好一點先打

pps : 喉嚨痛過後兩日 終於又病起來 

睇醫生打針食藥 好左唔夠一星期
再病多一次 又再打針食藥 好嬲呀 

到今日(03/05) 仲有少少鼻水

芝士6重奏

自從老媽覺得 pizza 太油膩 就好少食lu
不過今次出左6重芝士 (媽是芝士狂人) 引誘一下佢



終於食到 好好味添呀

ps : 由於尋日進行終極執房大行動 今日條腰 & 腳已經唔屬於自己
無氣力再煮飯 所以可以叫外賣
間房真係亂左好耐 無眼睇的時間 keep得太長 當然主要係懶啦
的起心肝執佢一大執 雖極累但總算乾淨晒

避世海浪公園 5

喜歡的程度 接近瘋狂



很討厭這缸上的那紅色燈 張張相都俾佢破壞晒



























由於我來來回回左3次 所以有3 堆差不多一樣的相
老爸不喜歡水母館的環境 佢覺得有點頭暈
我安排左個位置俾佢坐著等 順便休息一下
我只可以睇左一陣 (其實都行左3次) 

下次我自己唻 要睇耐D



終於'重見天日' 睇我地上次睇唔到的海洋劇場
呢四位應該係菲律賓的歌手 努力地表演左 15 mins 可惜得唔到老爸歡心
同水母一樣 得到同一個形容詞 "把鬼"



橫影過去 坐無虛席啊
唔係好明白 個 show 都未睇過 D人就離場 都幾好睇呀 

唔通好趕時間?







今日有好多鷹在飛













攬車的出口 改左喺另一邊  可以影到呢個 logo



oh...好有儀態的鱷魚生先 準備食人都有要戴上餐巾



同老爸同行 可以買粉紅小海豚

避世海浪公園 4

喜歡得有點...沉迷