海邊吹風記

曾經很喜歡去海邊吹風 散散悶氣 不過好耐已經唔使喇
由於今次要散心果個唔係我 所以很有閒情地影影影























去海港城 shopping 就多 從來唔知外邊有個咁靚的景
尤其黃昏時間 望住個天不停變色

病人真係唔應該再去吹海風 原本已不停流鼻水 

再次咳起唻喇

澳門一日遊

前幾日 友人突然致電相約過澳門走轉
雖然只係一日...但都係果句 : 好 澳門見
鏡頭一轉 已經係澳門的第二餐
(第一餐因為太餓 直接掃落肚)



緬甸麵 : 椰汁雞湯麵 好味



去左咁多次 好似第一次叫 : 椰汁雞撈麵 呢個仲好味



呢頭食完個麵 (超飽) 但都過對面買隻雪梅娘



上次試左芒果 今次揀草莓啦
買左一直袋住 直至回程上船先食到 壓扁兼毀容至面目全非
但味道仲係超 good

閒遊一下 入到玫瑰聖母堂 上次入去 唔知可以影相 今次補返晒
(呀 好友C 呢間聖母堂 真係可以上樓上架)
每次入到教堂 心情都會異常地平靜 不如...搬入去住 可以嗎?





再閒逛一陣 太陽伯伯都 bye bye 喇 近日D雲真心靚





最後我地以翅作終結今日的旅程

返到屋企 即刻拎相機出唻過相 

相機...你無野嘛?? 做咩傷痕累累??
發生咩意外呀? 幾時發生呀? 

對唔住呀 即刻帶你去睇大夫

東莞遊 day 2

從未試過咁早瞓 但都係果句 : 早瞓 唔=精神好





一起身最鐘意望天



呢個角度影上去唔錯



椰樹... 會唔會太泰國呀



呢張仲泰國



其實D雲好得意架 但睇相太陽過份猛烈



好...我走去另一個角度 總算影到少少





實在太曬 只能影到幾張相就要即閃



呢棵係許願樹 但我無信心能將紙條成功飛到上去



呢個公園裡 有好多石雕圖 手工精美得很



鏡頭一轉 我地去到另一個景點
~ 長安公園 ~
估唔到 內地的年青人假期都喜歡去公園



好似一張 postcard 的相片 可惜只係俾 30mins我地 

如果唔係行上去個塔頂望下都好







近排D雲真係好靚



林則徐紀念廣場  兩隻手折斷鴉片煙槍



旅程最後一餐 實在太麻麻 但最後送上什麼糖曼頭
老實說 完全唔好味 但都要食一隻填飽個肚

今次團友中 有一對夫婦 喺2日的旅程 完全無同其他團友交談過一句
態度不算友善之餘 隻眼仲好似生喺天靈蓋 不屑同我地傾上半句
點知到旅程最後一餐 個老公無拉拉派野 初初以為佢做保險添
點知條友話佢地係教友 派的係 2011 年曆咭 都幾好笑
結果大部份年曆咭都喺地下

東莞遊 day 1

家中兩老 很喜歡參加短線旅遊 (即內地2日1夜團)
老爸又說 : 唔好成日對住電腦 出去行下啦 所以我也得去
老實說 對內地的興趣係...零

不過又唔太放心佢地兩個自己出門 唯有跟埋去囉
晨咁早就要喺堔圳灣集合 早晨呀...

去到堔圳灣 個太陽先啱啱開工



oh shit...未過關 個隨身袋已經頂唔住







要等...齊團友們 極度無聊 周圍影下





終於出發 2.5hrs 都係呢D景



第一個景點 + 午餐 估唔到都幾靚



這小船 我一直以為佢地係捉魚 點知原來係拾垃圾



呢間餐廳後面係大塊田 呢D就係收藏喇 冬瓜係王牌





冬瓜係唔錯 但芋頭亦唔差



餐廳的對面 有座'報恩廟'



會唔會太好陽光呀



鏡頭一轉 我地又去另一個景點 唔記得係什麼村
祠堂變成茶居



樓底異常地高 入到去完全唔焗架 good



老爸專睇人家的廚房 大鑊....飯



環境比想像中乾淨



一舊 1,300 年的緬甸木 要 $19,800



內地的地方 得一個特點 就係....大





湖光山色都很美



全個旅程都頗舒服 但總有我最害怕的時候 就係唱歌
團友們好明顯有備以來 竟然帶埋懷舊天碟DVD

唔知係咪要照顧車中的老人家 音量開得頗大
我唯有將我的 MP3 機音量調得前所未有的大
結果落車 我的頭被轟炸得脹脹 痛到爆炸



很喜歡的噴水池的人又要影下人家的噴水池 又有D掛住澳門



誓估唔到 16:00 已經將我地送返酒店 雖則今次的酒店很不錯
但究竟有咩做呢? 又無電腦喺身...
好彩正進行廣州亞運 可以睇睇電視





休息過後 出外行下 黃昏的天色靚到爆





回程途中 天色突然變成粉紅色
令我突然記起友人九千年前 ICQ 的名稱 : 回憶是紅色的天空
友人C 呢兩張特別送俾你 雖則近日不太如意
就當經一事長一智囉