愉快的一天

友人的公司 經常提供優惠 俾員工工作之餘 都有娛樂嘅節目
今次仲係親子活動 以一個超優惠嘅價錢去睇戲 
是日電視: 超鼠特攻
套戲好唔好睇咁呢... 就真係唔值正價戲飛嘅價錢 
廣東話配音係一個敗筆
相信原裝版應該會好得多
睇完戲 行左陣 就搵地方食



麻醬鮮蝦冷麵 麵好彈牙 蝦好新鮮 醬很好 good
夏天食冷麵 超good 選擇



呢個係麻布雜錦燒烏冬 裡面竟然有牛肉同海鮮 味道真係夾嗎?
好明顯係 no la

飛起D牛肉 加多幾件海鮮咪仲好



友人的抺茶牛奶 評語 : 好香好滑



我的香蕉巧克力芭菲 食完的評語 : 好飽好甜



新相機測試 : 焦點落喺杯雪糕到 但點解周圍會黑晒呢??

新玩兒

一直無打算再買數碼相機 而且平時影相 都係用手機啦 但旅行咁點呢
可惜舊果部真係非常大食 影幾張相就無晒電

風景唔可以只靠五百萬像的手機喎 友人都說 : 買部正經D啦
正經D? 唔通要買什麼單鏡反光機? 好X重架喎 又頗樣衰



好啦 就揀呢部啦
其實都唔係我揀 我都唔識啦 哥話呢部 ok 就 ok 啦
我要求唔高 只要輕身/ 操作簡單 (至憎左set 右set)
最緊要部機要型

遲來的生日飯

近排喺公司 真係好似忙到癲
某日下午 做做下野 突然醒起 友人的生日快到了 

竟然唔記得左 即刻吹雞食飯
結果都係遲左 sorry sorry



燒鵝 正!!



嘩! 呢個菜一上枱 吸引晒周圍D人嘅目光
蝦醬通菜煲 睇張相都知D煙係幾勁 (但已散左8成 如果唔係影唔到相)



蝦醬惹味 + 通菜嫩 10個 good 呀



特價龍蝦 要咗蒜蓉焗 雖然好細隻 但好彩都幾鮮味



呢碟帶子 我手腳太慢 影相時淨返3隻
(仲要求人地放返落去俾我影相)



呢個牛肉粒 真係唔知叫咩名
上枱時已經係咁 側埋晒一邊 同埋個雀巢有怪味的
但D牛肉粒係ok 嘅



甜品時間: 椰汁燉燕窩喎 $28 講都唔信有燕窩啦
不過ok 好味啦

汗人

向來 我都無汗流 天氣幾熱 頂絕都係面紅紅+黏立立

D人成日講 : 唔流汗唔健康架鬼唔知咩 
但佢唔流出唻都無法架 唔通用針拮D皮膚咩

但今日出左街幾次 每次都汗流浹背咁返屋企

真係熱到連頭頂都滴汗 幾誇張

可以流汗嘅原因 係因為近排打返波 (雖則好難 book 到場) or 
食左幾餐咖哩呢 (聽聞食辣野可以幫助排汗)

希望D汗長流長有

望到都覺得熱

大榮華

頭先個晚飯真係超飽 仲要係好夜食添 依家個胃頂頂 瞓唔到
元朗大榮華酒樓 向來都超級多人等枱 
好彩今次用'人事'搞掂
唔使等



呢碟係南乳燒雞 咩叫: 皮脆肉嫩 但我係從不食有任何血的雞
所以可以食的 只有雞翼



呢砵係豬油撈飯 從不會出街食"飯"嘅我 都無法抗拒
等飯唻嘅期間 我望見隔離枱 竟然落左3匙豬油 + 3匙豉油
嚇得我眼突 其實砵飯 唔算好多咋喎 落咁多 會唔會太多呢?
我咩都落左 1.5匙 死 好咸



豉油撈飯係我'飛佛'之一 轉眼間就照鏡喇



椒鹽鮮魷 鑊氣很好 又唔算好油



呢個係南乳木耳蓮偶炆腩仔 (個名應該無記錯)
全餐最差呢碟 南乳味 (我食唔到) 蓮偶唔脆 not good
木耳 & 腩仔 我唔食嘅 所以唔知



嘩 呢碟勁呀 鮑汁翅裙會生菜 呢個翅裙 真心 good



幾飽都想食呢個呀 鬆糕 由於太飽 每人只係食到一少件
豬頭炳 : 唔該 俾個盒我呀 (又食又拎囉 唔知醜)

女排現場睇

唔知有無人 會喺排球場因為太過緊張而暈低呢?
我依家人很累 喉嚨亦很痛 
(但肚很飽 剛才的晚飯確係太飽)

睇相都知道 我地個坐位離個場都頗遠 不過好彩位置係相當唔錯
幸好友人買飛時 預我一份
真係 thank you so much

過往我都未能成功搵到伴 而放棄到現場睇 今年總算可以親身坐喺場館
喺現場睇 原來真係非常非常的緊張 (可能只係我一個過份緊張)
我的手腳經常緊張得出汗 自己都覺得 未免太誇張喇

鏡頭一轉已經到左盼獎典禮
雖則中國隊今日係嬴荷蘭 但計細分 荷蘭仍然係冠軍
不過不得不讚 中國隊今日嘅表現 比尋日穩定多喇
開局已先連嬴兩局 第三局雖則有少少散左 好彩第四局又穩定返
總算有驚無險

話說喺中國對荷蘭嘅比賽期間 有兩球問題球 但坐喺主裁判對面嘅我地
都非常清楚睇到 應該係中國隊得分
(重申: 我地都坐得頗遠呀)
但副裁判好似盲左一樣 完全睇唔到喎 我唔排除係角度問題啦
當時中國隊係落後 正在一分分咁追緊上唻 你喺咁緊張嘅關頭
一而再三地  發你個雞盲 好難唔俾人報上'噓聲'喎
跟住仲有條友開咪叫大家要尊重比賽緊嘅球隊
在場有 95%以上係支持中國隊 你呢D說話簡直係火上加油吧
我地噓的只係果個無眼嘅裁判 絕不是你口中講 : 我地唔尊重對方
亦並不是某D 討論區話 我地連人家開波都噓 甚至人家打出好球
我地連掌聲都無 未免講得太離譜喇 我自己拍手拍得手都爛囉

我唔知道電視直播嘅旁白講過咩 但絕對唔係唔尊重對方囉 講完

Shadow Box

終於等到 opening 喇 萬分期待 過往都係睇喜劇的多
間唔中睇下呢D有'重量'嘅劇種 未嘗不可

今次張 poster 如過往一樣 非常正 但好可惜呀 點解無 postcard 嘅
隔離個女人打開場刊一望 即刻話 : 無 postcard 嘅 咪無得貼喺房囉
講出晒我D心聲呀

呢個劇係講三個末期癌症嘅病人
一個爸爸 : 要用佢僅餘嘅時間 教曉最愛嘅妻子跟兒子 say goodbye
一個男妓 : 一直照顧臨終嘅同性情人 但情人前妻突然到訪
佢點樣叫所有人(包括自己)相信自己真係樂於承擔呢個重任?
一個女兒 : 花一生嘅時間照顧痴呆嘅媽媽 原來媽媽不願離開
是為一個已不存在的人

若然家中都有癌症嘅成員 看罷後 原來內心都幾唔好受
劇中有D情節 我也曾經歷過 如病者唔小心弄糟地方 
佢內心的感受 絕對的難受 埋怨自己 
又經常覺得自己拖累家人 等等等等....
正如老媽自從老豆有病後 所有提及癌症嘅節目 佢都拒絕睇一樣
癌症~係當今世上最最最討厭嘅病
治療嘅副作用 後遺症 痛苦 無奈
非筆墨可以形容 除左患者本身辛苦 照顧病人嘅家人亦同樣難受
眼見原本健康的外表 慢慢被折磨得不似人形
脫髮的脫髮 暴瘦的暴瘦
珍惜~老生常談的兩個字
但點先會明白呢兩個字的道理呢?
唔通真係要去到一個'時間無多'的階段 先會領悟到?

風車草嘅成員表演越見成熟 喜劇十拿九穩 正戲都唔弱
下一個劇係'我不快樂' 係阿祖另一個獨腳戲 依家已經可以優先訂飛
有興趣朋友 請到 : http://www.wtheatre.org.hk/unhappy/index.html

1個月後的覆診日

今日要返醫院驗查對'矯視眼' 眨下眼咁就一個月喇 yeah
book 左朝早 10:30 晨早就要出門口 
去到又一城見仲有時間
即刻搵地方'招魂'先 眼瞓到呢!!

呢間咖啡店 N年前幫襯過一次 第一次嘅印象非常麻麻 
所以一直無再幫襯



今次神來之勇氣再試 又係 mocha 啦 出奇地 good 喎
比 starbuxk 更好味 起碼無咁甜 又滑D

今日醫院超超超多人 呆等1 粒鐘先驗到眼 
再呆等1 粒鐘先見到醫生
驗眼結果 左眼 : 0度 右眼 : 50度 (都可以接受啦)
醫生話幫我密切監視喎 
好啦 你慢慢監啦





速速食個 lunch 就返公司喇 放左咁多日假 要出一出現喇
番茄鮮蝦扁意粉 + 鰻魚 pizza 都超 good 呀



間餐廳無拉拉話送杯野飲 所以就叫左杯 strawberry c
但成杯嘢無 strawberry 味的 唔怪得免費啦

澳門遊 Day 3.2

 大雨過後 又唻熱過 只好搵D有冷氣嘅地方逛下

 澳門有間 DAISO 超級市場 專賣日本產品 仲係超平果隻 

買左一堆零食 連洗衣袋都買左幾個

今次比上次收斂左少少 買返幾條手巾仔 2個袋俾老媽 1個係自己嘅

呢個係鮮肉飽 + 窩貼 + 生煎飽 超平超好味

呢兩款係營地街市上面 轁轁介紹過的牛什+ 鴨紅菜 超 good

原本想去添發食碗翅 點知休息2日喎
無心插柳又俾我望到街尾轉彎有間'譚家翅'
呢間又平又好味 仲有好多款揀
佢仲係燒熱個石頭窩 再淋D滾湯落去 睇相都知 200級熱

澳門遊 Day 3.1

今朝晨早 被D雨聲 雷聲 嘈醒左 一拉開窗簾 滂沱大雨

落雨唯一嘅好處 係無咁熱

酒店個煎蛋早餐 今日要放棄喇 因為落雨嘅關係 大排檔仔幫襯唔到

轉去另一間 都係未試過嘅 : 南屏雅敍

食緊個通粉期間 見到人地食沙翁 即刻挑起我條根 我應該有20年無食過

人家的沙翁好新鮮 好good

轉頭食碗豆花 皮膚滑滑

澳門遊 Day 2.3

喺酒店 hea 左陣 又再出動 呢次呢個地點更攞命

地點就係 : 盧九公園 每年夏天 都係荷花盛放嘅季節

門口個石像好優雅sorry 我真係唔知佢係咩... 唔通係媽祖??

影完呢堆相 人同部相機 熱到爭D爆炸

其實呢D荷花已經係尾聲 所以D花唔太靚
不過我估夏天未必會再過澳門 趁今次機會 影下啦