小事情 大緊張

我得承認 近呢幾年 思想/情緒上 係出現左少少問題

唔想同人講野/唔想約朋友等等等等 
呢個情況 我從未向任何人透露過半點

友人的約會 可以推的都推掉 漸漸人家再沒有來打擾 
我亦落得清靜 依家已經習慣獨來獨往了 
一個人 shopping 一個人食飯 一個人睇演唱會
甚至一個人去旅行都毫無問題
但有D場合 尤其係要接觸好多人的情況 心仍怯得很 緊張非常

話說 聽日喺德福商場有 "Last smile, First Tear" DVD 簽名會
上星期喺網上拎取免費的簽名證 點知朝早收到電話 竟然話要先集合
齊人後才會派發簽名證 心即刻怯一怯 好多人架喎 點算好呢?

唯有向友人求助 希望她能抽空陪我走一趟 午飯前她說要考慮一下
可惜等了一整日 都得唔到回覆
是太忙嗎? 簽名會太無聊嗎? 係因為我一把年紀 唔應該參與呢D活動?

我知道亦明白假期的日子 誰都想休息一下 或想有點私人時間
更明白你沒必要陪我走這一趟 但回應一下可以嗎? 
定還是怕一口拒絕我有 hard feeling 嗎? 

過往被放鴿子的次數 多得連老媽也說 唔係約好了嗎?
唔好問我啦 唔想出唻? 突然有事行唔開? 其實亂作咩理由都好
通個電話交代一下唔太困難吧
no show 的行為係極度可耻的

可能平日自己對人太冷淡喇 如今得到如此下場
更何況別人眼中這小事 怎會令我12分緊張

其實已絕少再向人求助 (我好明白登天難 求人更難的道理)
但實在怯呢...

已經無晒信心去結識新朋友 但舊有的可以點 keep 呢?
諗深一層 兩個無共同興趣的人 怎可以走埋一齊?

豬頭炳 沒人可依靠 自己勇敢一點吧