嚴陣以待

先講少少題外話 似乎我真係老媽口講的貴人 每次出門總是招風雨
由小二學校旅行開始 (註: 小一旅行我係缺席架)
呢個咒語 就好似一世跟住我咁 中招例高達 95%
去澳門兩日 大雨得要買鞋換 返唻後天色好得不之得了



由呢張相證明 天色係幾咁好呢

好 入正題 ~ 離開香港兩日 
返唻就聽到個新名字 : 豬流感
香港人有過SARS嘅沉痛經歷 大家都不敢怠慢 早早做好預防工夫



消毒啫喱少不得 公司/屋企各一樽



口罩 各藥房趁機狂加價 正衰人

呢篇 blog 打到一半 收到電話 然後要到醫院走趟 湊大老爸的姑媽
大限將至 醫生說 親友可以的話 見最後一面吧 

雖然姑媽呢幾年的狀態已去到聽不到 看不見 

但這一面應該要見

姑媽都是鼻咽癌患者 兒孫滿堂 他們的家族真的可以說開枝散
葉得十分誇張 吹雞飲茶 四圍枱都坐唔晒 好多都有車有樓
但患病的母親就交工人照顧 雖然俗語說一家唔知一家事 但既
然有人根本唔使做野 點解唔親自照顧呢?

喪玩澳門遊 廣告篇

依家去澳門 會買返香港的手信 已少得多
老爸的愛好 : 花生糖 都因糖尿要戒口 無得食
薄脆豬肉乾 試過兩次買返唻 已經受潮又放棄
龍鬚糖伯伯又經常唔開檔無得食
但有幾樣野 絕對唔會少的 包括超重的蝦醬 and....

齒香金錢餅 又香蛋味又薄又脆
眼見果間潘榮記 長龍到不得了 n年前已經試過
sorry 呀 你其實唔合格囉
試過齒香 其他的都唔合格呀 齒香的其他食物 都係正架

此金錢餅 一食停唔到口 仲要開左好耐都仲脆架

俾阿蘇介紹過呢間晃記 未到18:00 好多野都賣晒
好彩我心愛的鮑魚酥仲有貨
剛剛先睇到 點解佢寫住合桃酥嘅

失控 in NaRaYa

之前講今次去澳門 係另有目的 亦係最主要嘅目的 就係想睇 NaRaYa
喺香港全部都係水貨 又唔知真定假 
梗係唔會買啦 得知澳門有專門店
當然要走一趟啦

一入到鋪頭 真係眼花撩亂 價錢又唔算貴 樣樣都想買

淨係手巾仔 都買左六條

小袋子 亦買左四個

細size : 圓筒形手挽袋有兩個 方型/梯型各一個

最誇張係中型圓筒手挽 四個

大size 圓筒一個 香港賣$160 澳門賣MOP 86

呢個原本唔會考慮 白色對我唻講實在危險
點知喺氹仔見到人用 好靚喎 返轉頭再買

PS: 好耐都無試過咁瘋狂購物 買完一次 又覺唔夠 
臨走前再去走一趟 一間鋪頭兩日內去左三次 真鬼誇張
友人們 若然有緣睇到呢篇 blog 對以上任何一款有興趣即管開聲吧

update (07/05) : 所有貨品已送出 90% 多謝晒 !!

喪玩澳門遊 Day 2.3

話咁快 30mins 就過去 '金樹'又唻喇

原來個天花會開的 大鄉里呀呢隻疑似UFO 慢慢降落唻 好靚呀

越唻越近呀

好大隻呀 仲會不停變色添

棵樹出現喇 好金呀

又會變銅色

再變銀色



佢同隻UFO 好襯呀



最後仲變左綠色 好靚呀掛住影影影影 成個過程都睇得唔太清楚
好... I'll be back

喪玩澳門遊 Day 2.2

今次旅遊唔趕住食 所以有好多時間去睇野
永利嘅'幸運樹' + '金龍' 有左咁耐 一次都無睇過 
真係一D都唔支持下哇 我地超好彩 一入門口 就開始 唔使等

好 grand 的天花

出唻喇 條龍

轉呀轉 終於轉到過唻

個樣....都無氣勢嘅

話咁快 又轉走喇

噢 淨返D煙咋
30mins 後再唻幸運樹...

喪玩澳門遊 Day 2.1

澳門星期六的 package 真係有點貴 所以佢包嘅早餐 都去搞下事
世事就係咁 往往無期待 就會有意外驚喜 成個早餐都出奇地好味
(但唔記得影相 可惜可惜...)

呢碗係榮記豆花 & 豆漿 人家說無豆味 都唔係呀 好好味喎
雖然佢加價幅度頗大 但我都會再幫襯架

呢款係招牌菜 豆腐撈麵 但麵呢...實在食唔到喇 咁要個淨豆腐啦
可能佢D汁預左用唻撈麵 
淨食....好咸

此乃三盞燈嘅豬腳薑 哇.....吃不得 太酸
呢款只適合阿婆級人士進食 然後嗌 : 好孫好孫

友人首次試吃 : 胡椒餅 應該幾好味 D味香到不之得了
但有勁強黑椒&蔥 食唔到囉

呢間雪糕係意大利手拉雪糕 以往經過都過門不入
但今次目標係要食未食過的 就要試下喇 果然好滑
味道係 : 薄荷朱古力 + 士多卑梨
sorry!! 最後食唔晒 浪費左

放棄個雪糕 主要原因 係趕住食呢個
係從未食過的豬扒包 西灣安記 塊豬扒係炸架 佢醃得真係唔錯
但唔知點解 食到一半 塊扒同個麭都淋晒  賣相好肉酸
sorry!! 對食物向來都係嚴格要求 你無下次了

同場加演 : 提神 & 醫頭痛佳品 奶茶是也 招魂中...

ps 1 : 好明顯今日完全唔喺狀態 上錯車 睇錯鐘 
唔應該發生嘅錯誤都發生 搞到最後 連老媽最最最喜愛的葡撻都買唔到
一千句 sorry 都過唔到自己呀
佢唯一想食的 都買唔到 枉人家仲贊助旅費

update (27/04) : 我去過KFC 想買兩個葡撻補鑊架 但佢個賣相呢...
望到都無胃口

ps 2 : 今次係老爸有病後 第一次出門 雖然只係兩日 但心仍掛掛的
所以無放心盡情玩呢 仲出奇地記得打電話返屋企 仲每日打幾次添

ps 3 : 返到屋企 老媽興高采烈地報告佢隻腳好好好多喇
腫起的位置差不多全消了 佢都好聽話 
每日都有跟住跌打師傅教佢的伸展動作做 幾日就見效 yeah

喪玩澳門遊 Day 1.2

yahoo blog 放太多相 load 得實在快 等到天光



喺氹仔幫襯下轁轁推介的 : 魚翅麵 味道確唔錯架 
但咸左少少亦可能因落雨關係 無人等位 正



夜晚再戰'六記' (呢間係唯一一間唔會放棄的)
都係好耐無食過的 錦鹵雲吞 
如果自己一個人去 就食唔到喇



呢碗蟹粥三個字 : 鮮 甜 美



終於有張完美的相 上次掛住食 D蝦子搞亂晒 今次正喇



呢碟炒蜆好夠鑊氣 但對我唻講 太辣... 食幾粒就要飲好多水 唔化算



呢碟係後加的 : 雞腳 已經炆得極淋 一入口即脫皮

喪玩澳門遊 Day 1.1

勁期待的澳門 trip 終於成行 就算去過幾多次都好
每次出發前都會update 一下資料 今次的目標 係盡量食D以前未食過的

原本四人行的旅遊 到最後變成二人同行

晨早出發 遇著落雨 推住喼認真狼狽 好戲喺後頭 喺澳門落船 滂沱大雨
仲要企喺碼頭呆等左 45mins 酒店車 都係無唻
結果我地選擇"行" 因為確實近碼頭嘛 入到酒店 我對鞋已經濕透了

喺香港海關過e道 原來佢好似提款咭一樣 得三次機會 唔知咩原因
今日我得到 "等候救援" 十分搞笑
任何意外 都無損我的心情 因為今次 trip 我係另有目的嘅

波鞋唔能再著 結果要買鞋換 舒服晒
一換上拖鞋 即刻細雨呀



呢碗係'義順'的雙皮奶 好耐都無食喇

食左一啖 先發現 條'皮'呢? 雙皮奶喎 無皮嘅

友人的薑汁撞奶 試吃一啖 
~ 好辣 ~

同場加演 鮮油多 可惜呢件野 唔脆的 失敗



呢件係友人的咖央多士 食後評語 : 無咩味
呢間嘢 應該唔會無下次喇 可惜可惜 枉佢咁多人幫襯

經過清平直街 有間 '翅客' 固然係食翅啦 條街唔係再係 '添發' 獨霸喇
賣相唔錯 味道仍唔錯

那間鋪頭仲有好靚的裝修 可能落雨關係 全間野初初得我地 任影
待續....

So good

近排真係事事順利呀 值得記低

1) 新防毒程式 終於成功安裝

2) 老媽對腳向來不太好 睇西醫只係打針食止痛藥 有時候老媽會想去睇跌打
但要遇到一個好嘅跌打師傅 真係比中六合彩仲要難呀
萬幸地老媽睇左七日'無料'跌打佬之後 喺街遇上佢個舊同事
介紹老媽轉睇另一個 真係高下立見呀 睇左三日已經好番喇  thanks God

3) 睇到我好迷嘅'迷' 上星期終於 season final 聽日會播新一輯 ugly Betty

4) 想去好耐嘅澳門 下星期六終於成行了

5) 尋日終於去左拜山 應該有三年無去拜山了 今年老爸總算預我一份 拜山過後
老爸的嗅覺同味覺 好似敏銳左少少 係嫲嫲保佑嗎?
咁請保佑老爸的副作用 盡快消失

6) 全個面膜系列 我最鐘意嘅味道 終於獨立出盒裝喇 萬寧獨家發售

7) 家裡的老佛爺越來越得意 睇佢個死樣幾臭串

咁多野樣加起唻 感覺 so good

ps : 剛剛睇完無記播個金馬獎頒獎典禮 真係睇到火都唻
左cut右cut 早知遲D上網睇結果算數 嘥左我一晚時間