近呢個星期 香港多處地方
金鐘 尖咀 旺角
都被 一班市民佔領
巴士好多路線都停駛
誰是誰非無人能定
但最大得益一定係地鐵
個個都靠晒佢
前排涼左少少 以為可以出遊了
點知...中招
熱到溶 又曬 真係好辛苦
摩天輪怪...很喜歡摩天輪
上次出中環辦點事
睇住佢砌緊個架
今次唻已經搞掂晒
摩天輪...如果可以同另一半一齊坐
係一件好幸福的事
但孤苦伶仃的我 那來的福氣?
另一邊 IFC 對出仲係一片荒地
都荒左好多年 工程不斷
入到長洲已經餓瘋了 要即刻搵野食
食飽左 可以留點倩影喇
要幫襯下魚蛋 胡亂買 D 塞入口
呢條雪條成條係鮮果整架
西瓜 奇異果 菠蘿 唔知芒果定橙
好清新幾特別
好明顯係試新手機喇
上次呢件紅豆餅令人好失望
決定比次機會佢
OK喎今次 有蛋味 紅豆味亦好濃
再次試手機
入長洲最主要目的係佢 芒果糯米糍
實在太太太熱 真係唔可以再喺街流連
入鋪頭(要有冷氣的) 搞下事
勁靚 勁想買 但飾物柜的容量已 105% full
結果只好留倩影 oh no!!!
長洲有冷氣的店舖唔多
最後 我地見到....惠康
兩人兩眼發光 哈哈哈哈
即刻入去將每件貨都研究一番
太太太熱 一定要救火
各自 自隊兩罐
海鮮亦係入長洲的另一個主要目的
好飽喇 再試多幾張相 就走人喇
出返中環 睇相幾美好
但內部立立亂 咪話唔心痛
我唔認為佔領地方會有什麼作用
但警方放催哭彈又實在太過
唉!!!
絕對唔想見到流血場面
但點收科 又係另一回事
出左中環 作左一個搵命博的決定
就係落尖咀 & 旺角
當然絕對唔係參與佔中
亦唔係想湊什麼熱鬧
只係想買粒手機電 & 機套啫
家中兩老知道我身在危險區域
異常擔心 要求盡快離開
好彩都好順利地完成
又係因為太熱 務必降溫
ps : 多謝你陪我癲左一日 有朋友真好
