相信會有一段時間要留守家中
趁大戰未開始 出去走一轉
人生無常 及時行樂嘛
今次目標係 海洋王國@珠海橫琴
聽個名已經好似好勁 又講到全亞洲最大
但國內嘛...要有點保留
搭船去珠海九洲港 從未試過要呆等隻船 delay 20mins
然後再 miss 一班去酒店的車
幾經波折 終於都到步
間酒店新開無耐 仲好新淨
裡面的擺設 都係圍繞住海洋動物/生物
仲要全部 XXXXL SIZE
即時上到房係我無諗過的 真係正 可以 hea 一陣
全個酒店室內地方都有 wifi 仲要無 set password
呢點澳門酒店真係要好好學下
間房仲有露台呀!! 個 view 仲相當唔錯
hea 左一陣 實在太肚餓 動身出發喇
樂園門口有個 XXXL size 天幕 超級誇張地...大!!
此乃樂園的吉祥物 但...超樣衰囉 無人行埋佢到 勁搞笑
實在餓 叫左喺香港十世無食過的雜扒餐
哇... 誠意野 全部野都好好味 絕對唔係因為餓先覺得好味
連碟意粉都要留倩影的原因 係因為連佢都好好味
唔似香港的漿糊意粉 食晒!!
好英的海狗
呢個激流都好想玩架 但一定會濕晒身
雖然佢有便利雨衣賣 但最後都係放棄左
因為眼見D水係超級污糟
但近距離 真係好型囉
呢隻海盜船 刺激性相對地...低
當吹吹風吧
離遠已經被呢隻鯨魚吸引
但另一邊 呢個過山車 仲吸引
一定要玩 因為今日唔係假期 所以樂園唔算多人
結果成部車 夾埋我地得3條友玩
終於都入到去水族館 但坦白講...係失望的
勁大的魚缸 襯極假的珊瑚 仲要生晒青苔
呢個潛水員就係清潔緊果D青苔
棟篤企的魚 好得意但又有少少恐怖
個水族館大過海洋公園好多 但...
成個境 無顏色架 全個缸都係灰灰灰 連D魚都無咩顏色
而且D水極濁
佢片玻璃係健力土最厚架 好! 留個倩影
佢唔知係咪知道 個缸唔吸引 所以整左呢D poster 出唻
行完成個水族館 數埋都唔夠三張相可以見人
職員不停勸阻 唔好使用閃光燈 但同胞們零理 閃閃閃
呢張係佢地的強勁閃光燈下影的
瘋狂過山車入口 真係玩到假髮都甩 勁!!
樂園的"死物"係極吸引的
轉頭去另一個館 坐遊覽車欣賞
哇... 估唔到室內地方 反而被毒蚊狂咬 連中五槍 頂呀!!
無拉拉仲有條 nemo 全個過程講國語
聽懂程度只有六成
全日天色都好麻麻 但黃昏依然美麗
企鵝館算係最有顏色的一個館 企鵝亦算多
其餘的展館 地方很....大 生物極少 所以大部份我地只觀賞....水
生的唔吸引 但死的造得很真
燈光亦打得很好
真係要走喇 喺門口留D倩影先 入場時太多人又太餓
依家可以任影
都話園裡的死物好靚啦
小小紀念品 鯊魚仔一條 哈!!
返酒店 hea 一陣又要出發去睇馬戲
成個表演...得個悶字 好彩買左爆谷
間酒店真係頗大架
夜晚個天花仲好靚好宏偉
喺網上 check 過酒店有間餐廳開到 0:00
諗住無死啦 幾夜都野食
點知... order 五樣有三樣無晒 唉!!
結果超樣衰小籠包 第一次覺得小籠包係難食
好彩呢碟蠔有返D分
呢碟菜超正 又嫩炒得又香
