舊同學新聚頭

20年無見的舊同學 今日再聚頭轉眼就畢業20年喇

落左好多日雨 終於都放晴喇

既然出得去 梗係去shopping
但海運呢個地方 已經被強勁的同胞們強暴了
20級多人 超嘈 每次行完都劇烈頭痛離場 真係頂唔住
食左兩粒必x痛 但少少作用都無 必需離開

其實去海運 主要係想試呢個軟雪糕
好滑幾濃

約左幾個同學 又去水佬榮喇
成晚忙過不停 只有兩張相 不停傾不停講
食過咩落肚都唔太清楚

鏡頭一轉已經上左甜品喇 朋友仔仔對打邊爐沒怎興趣
終於有野佢肯食架喇

有同學剛剛去完台灣旅行 竟然有手信 多謝晒

好喇 打完邊爐唔夠 15mins 我地又去食棉棉冰
但呢間野超cheap D配料少到咁...
D冰又無咩味 not good

壹窩鍋

呢幾日 不斷地滂沱大雨 搭車好麻煩
今日原本仲要帶老爸到老遠睇牙科
點知姑娘晨早打唻 話醫生病左 取消預約
都好 咁大雨 唔使老爸走出唻

冷冷的壽司飯 係夏天不二之選

其實我真係覺得好悶 突然好想打邊爐

大家都係花蛤海鮮鍋 呢個...當堂比下去
得五粒花蛤 蟹又細隻
咁當然大家價錢唔同 將價就貨都明白

打邊爐不可缺的 ~ 嚮聆

職員推介的魚皮 即炸好新鮮

牛亦不可少 但唔知係我地淥得太耐定咩啦 好鞋好韌
仲話推介... 唔通係生吞先好味??

呢個又係另一中招的推介 ~ 手打爆醬墨魚丸
佢個爆醬係咸蛋黃 但好可惜 唔新鮮 粒丸更劣 非常死實

打邊爐 食少少菜啦
好可惜 好多菜我都唔食 所以 可以揀的只有娃娃菜

只係一隻普通的肉蟹 唔甜無肉無咩膏

飲茶食個包

有時出街食野 真係可以幾失望架
續前日 outback 超失望之後
今日呢餐 都有半失望

蘿蔔絲酥餅

南瓜煎堆 但有兩隻炸唔起

滑到痺腸粉

疑似用黑糖製的馬拉糕 好黑好濃味 有點怪

心頭好 : 叉燒包 由於極度喜歡 & 好難難食嘛

死實燒賣

更怪味的棉花雞 首先唔棉花 無拉拉又有南瓜 仲要無咩味

呢碟雲吞 一個字 : 劣!! 差不多原碟放返喺枱

淨係食左佢個汁的菠蘿

書展 2013

終於 可以心情舒暢咁去行書展
執空個柜 所有書終於有地方放

let's go

比我想像中少人 行得幾舒服
(圖中掩住面的女士 唔好意思啊 從你的凌厲眼神知道你非常不滿 但相已影嘛)

入場最想買 係呢本 ~ 劉培基自傳
點知去到明報 counter 搵唔到喎 問問佢的職員
佢話唔係佢地出呀!! 但我睇明周明明有介紹嘛
上網一查 (又好彩上到網 以往連網都上唔到)
原來係明報周刊 差兩粒字 又奇怪兩個 counter 係分開的

呢本書個 packing 好弱呀 眼見現場 10本有九本已經甩皮甩骨
有D更加爛埋 好似飽歷風霜咁
經職員幫忙下 搵到本未太爛的

唔識煮野食的人必備 梁祖堯的烹飪書 喺交友網站 見好多人 post 相出唻
大家跟住煮 好成功!!
友人問: 你又唔使煮 使咩買呢??
友人呀! 你要知道 總有一日 我總得要煮嘛 家中兩老陪唔到我一世啊!

呢堆 全部係我預左要買的
今年一本都沒買多 因為個背狼已重到不得之了

越行越餓 終於可以坐低

好好好肚餓 淨返孤單的麵包一個

越來越少的芝士薯條

呢個海鮮意粉 賣相差劣 但出奇地好味

dee... Outback 的主菜 ""全部"" 係垃圾
佢出名係牛扒 每一次 係每一次 送上台的 就如垃圾一樣
個廚師 放左上爐 應該唔記得左 200%熟 又鞋又乾
點食呀?? 有無得退架??? 頂 你仲夠膽死收人 $140 頂 

叫左個牛扒可以加錢多個沙律 一直沒上枱
向個職員追追 佢一開口話要加錢架喎
友人都不自覺地說: 唔使錢 唔通你會請我食?

一次又一次去食晨早就 closerice 的 outback
就係因為手上仲有一本coupon 可以用的時間根本唔多
join 個 member 簡直係白蝕

ps

每次去左書展 總有書買漏
今次買漏係'芷珊姐姐'的我的男/女主角
諗住去書局補返
新書未有
反而見到莫樹錦醫生的作品 "醫得喜,活得樂'
睇左幾頁 相當吸引
好!! 收歸國有

水佬榮

近排的生活 實在太太太悶
唔可以隨便出去 每日都只係屋企/公司/屋企/公司
so boring

幸好 情況漸漸穩定 終於可以自由少少
可以出去活動一下

最可以令心情放鬆 又快又有效就係... 食

橫掂都係食 梗係食餐好的
好耐無見呀 花蛤蟹鍋

花蛤同蟹都比上次細隻左 但依然超甜

經過上次眼寬肚窄的經驗 今次要小心選擇

鮮枝竹 第一次食 原來都OK喎

食下叫下 "混丸" 手打墨丸+蝦丸 good

叫左個鮮枝竹 仲想食響玲 yeah

~ 超級滿足 埋單呀唔該 ~

Smart Phone的社交禮儀

現在是每人手執一兩部Smart Phone的年代，而且隨著拿在手上的這件機械越來越先進，
Smart Phone被用作phone的時間也越來越少，從前不少公共場所社交禮儀都不能與時並
進，需要更新一下。

1.    如果要在街上、車上用Smart Phone煲劇或打機，敬請善用你的耳筒，
別人對你煲的劇或你玩的遊戲未必有興趣的，你到底是sweet、tasty
還是sugar crush對別人而言真的沒有任何意義；

2.    即使你用了耳筒，也請不要開太大聲，你不怕耳聾或過馬路被車撞死，
你附近的人其實也會覺得很煩厭的；

3.    如果你要看新聞，不妨自己下載一個手機程式或自己登入那個網站看個夠，
何苦要從後窺視別人那小小的屏幕呢；

4.    別以為扮專心打機或煲劇便不用在公共交通讓座予有需要的人；

5.    當你看見某些可愛得意的東西想舉機拍照時，不妨看看背後有否其他人也
在拍照，遷就一下、平排影相便大家都開心了；

6.    使用Whatsapp，某程度上是用眼睛和手指來對話，錄段說話過來其實不太
user-friendly，開會開到半路中途、或在街上走著沒插耳筒，怎樣延續那對話才好；

7.    請盡量不要在Whatsapp唱歌，收到的人稍不為意大大聲播放出來，會惹來
四面八方所有人的注視，產生很強烈的中伏感覺；

8.    開會時繼續用Whatsapp跟人交流是人知常情，但可否把電話的震機關掉或
把電話從桌子上拿開，桌子不停震動的感覺令附近的人緊張呢；

9.    開會時不想聽電話，也可否不要由得電話不停在桌子震，震動的噪音比你想像中要大得多；

10.    電話聆聲很多選擇，在寂靜中突然間響起「你阿媽叫你聽電話…你阿媽叫你聽電話…」
的聆聲，簡直令人心緒不靈；

11.    電話沒有電不是霎那間的事，要問人借叉電器可以早一點，
不要只剩5%才打鑼打鼓去尋找；

12.    電話沒有電不是霎那間的事，明知沒有電又沒有叉電設備在身，
可以早點把上網關掉，或者早點回家；

13.    兩個人食飯出街，卻有一人總是在講電話、覆Whatsapp、
上Facebook，另一人其實很不好受的；

14.    在戲院睇戲就睇戲了，可否不要接電話；接了電話，也可否不要跟人大談你在看甚麼戲
甚至評論那部戲；要約食飯的話，可以睇戲前後約的；

15.    在車上講電話，音量可以放輕一點，對你朋友的耳朵較好，對車上其他乘客也較好；
你昨晚打牌誰人贏錢誰人輸錢關我鬼事，表姨丈有外遇你應否告訴表姨我也不能給你
意見，你公司同事誰人賤賤格格亦不需要告訴全車乘客知道的

上述的 copy from yahoo

有細心留意 都唔難發現 對某D人唻講 迷過食白粉
無左部智能電話 慘過要佢條命 無時無刻都要望住部手機
過緊馬路啦 落緊樓梯啦 食飯唔在講啦
唔知佢係咪有好大生意上落 定還是情人比佢的分手信
眼珠從不離開個screen
坦白說 絕對係病態 甚至有少少似強逼症
部電話無響無震 每隔幾分鐘就拎出唻按按按
係咩意思?? 你係呢D人嗎?? 早日戒左佢吧啦

Relax

老媽'年檢' 驗出鉀偏低 醫生說幫佢換換藥
停食"去水丸" 令鉀得以保留

點知...惡夢就此開始

第一批新藥 如醫生說有可能會令身體腫啊
果然真係"腫" 仲要腫到不得之了

結果要去換藥 第二批 更不得之了
腫到拖鞋都著唔落不特止 出疹 皮膚爛
又可能太腫 全身骨都痛
十分困擾

唯有再次換藥 又遇著衰醫生
(政府醫院 好的醫生比率實在太低了)
每次都想打鑊佢
腫到咁 都說: 佢肥左啫
出晒疹 又說: 天氣熱出疹好平常
至至至衰 仲要搖住腳 態度極差
你地班賤人醫生有無醫德架???

試藥換藥抽血 這個月不停地進行

最後換返晒舊藥 只加一粒鉀丸
一切"慢慢"回覆正常的時候

點知前日收到醫院電話說: 驗血報告有點問題
醫生想見見你
又有咩事呀大佬 仲有3日紅日 呢個假期點過呀??

結果頭先全家剎有介事咁返去醫院 (以為有咩嚴重野嘛)
老爸被力勸留在家

點知...
原來只是這可惡的鉀比之前更低 其餘都沒問題
醫生還帶點輕鬆說: 唔使咁緊張 要全家出動
點唔緊張呀醫生 收得呢D電話 邊個會輕鬆呀?
　
結果醫生說要再換藥 "去水丸"不得再食喇
希望今次順利啦