雨過必天晴

老爸落左第一針 遲遲都落唔到第二針
上次驗血就說白血球唔夠 要多休息一個星期
經過老媽的肥仔餐 應該無問題了吧

點知...

醫生又說鹽份太低 低得要即時入院

以為吊包鹽水就可以出院

又點知...

鹽水吊左三日 + 要食鹽餅 真係低得咁誇張

可憐老媽要每日來來回回醫院幾次 又唔敢胡亂放假
萬一收到死線密令 就真係死得人架嘛

經過三整日的休息+吊鹽水 第二針終於順利落針

所有人可以返屋企休息

Crave

我知道... 入劇場 唔應該淨係嘻嘻哈哈
好應該睇多D 唔同種類的劇目

但今次呢個劇 實在太沉重

全劇 1.5hrs
壓迫得連呼吸大聲D 都怕有影響
坦白說 明就真係唔係好明
但超沉重的劇情 超壓迫的氣氛實在透不過氣 太影響心情
唔喜歡 sorry

ps : 坐後面的果對男女 好明顯都係唔明唔喜歡
套劇開始半個鐘後 佢地就不停講 不停笑 不停郁來郁去

藍天日雲

好唔喜歡星期六要返工的日子
返果半日 唔三唔四 做野又唔係 唔做野又唔

 

 

 

 

 

 

 

今日放工有如此天色 就算數啦

笑死人咩想

今朝睇報紙 睇到呢段新聞

成篇野有好多字都出唔到 已覺得好礙眼
最最最怪個歌名 "A may sing grace"

a may 唱 grace

aiyo... 會唔會太好笑呀

呢個錯誤 羅小姐會唔會因為想更正佢而彈返起呢?
出呢篇報導前無人 check 架咩?
想笑死人咩

天賜平安

今日老爸開始另一個療程
誰都知道呢D療程絕對唔易捱

但既然已經決定左做 就好好加油吧

求天賜平安 能順便完成療程
加油加油加油

7.1 SHOW

老爸唔知喺什麼區議員 拎左兩張大球場 7.1 回雞show 入場票
老媽事先聲明唔制 唔肯去 結果我就(又) 要陪太子旅遊

劏雞咁早...

9:00 已經坐低左 好彩早到 有得遮頭 唔使曬到
若然曬住咁睇 好快就要被送去醫院


 

 

超奇怪的安排 成個球場左/右各有個台
藝人/嘉賓 就喺台上表演 中間成個球場係無用的

可能D草好貴 唔俾人踐踏
但咁咪低能囉 D人座晒喺中間架喎
仲要喎 我終於明白 點解大球場唔適合開演唱會
果D MIC 完全唔知 for 咩人聽架 根本聽唔到講咩春
但又非常嘈的

今日演唱的歌星 全部都係英皇架喎
但估唔到 連
twins / 容祖兒 / 古巨基都要做呢D回雞 show

等到頸到長 老爸超渴望的三軍步操 終於出場
我只可以喺對面岸影過去 因為埋到我地呢邊 所有人都企晒起身
無可能影到
 

呆坐左幾個鐘 終於走得
 

太陽真係我死敵 曬幾曬 人很暈
返到屋企 沖完個涼 就死左喺床