張信哲世界巡迴演唱會

情歌王子 ~ 張信哲
第一次親身入場睇/聽佢演出
今次令我入場的衝動 係因為每當夜闌人靜睇佢演唱會的DVD果陣
心想 : 若然我在現場就好了

為避免再有什麼遺憾 想做的快做
(經過近呢年半發生的事 人生無常到頂點 要玩盡快玩 
要食盡快食 要做盡快做 別帶著遺憾離開)

門票晨早就買定了 
(當前晚拎出唻時 張門票四邊已經發黃了 會太誇張嗎?)
當知道門票已經開售時 已經係過了幾天的事
可能係因為單丁位的原因 所以位置都頗前喎

阿哲說 今次的舞台有少少舞台劇 feel
 若然坐得太前反而睇唔晒 我呢個位置 perfect 了吧
呢個位置 睇清楚晒D燈光變化 好正好正

等了又等 終於開場 嘩... 型得很啊
不枉我一直咁支持佢
(藝人嘛 賣樣賣聲 要一直 keep住一定的程度 平時下的工夫不可少啊)

由於坐喺下面 握手無我份了

只需一套西裝 就算企定定唱 都值回票價

但阿哲話 今次會被觀眾多一點新鮮感 跳少少舞 動多一點點

全個演唱會分5 parts
不同的主題 所有服飾 燈光 都配合得很好

終於去到尾聲了 未離場已有點不捨

在慶功的時候 雲妮先知道 原來阿哲係帶病演出 
甚至連話都說不出
近三小時的又唱又跳 可以用完美唻形容
究竟係點做到呢? 令人很佩服

PS : 個神怪 yahoo blog 又唔知 short 左咩線
全部 setting 亂晒 整極都整唔到

(photo from 各人 weibo)

難過

由抽組織化驗開始 憂慮從未離開

求神拜佛 唔想收到電話

可惜 事永遠與願違

今次... 真係六神無主

腦袋無法運作 甚至連同父母親講 要提早返醫院了
都由哥去搞掂 真係無辦法令自己冷靜

今次醫生似乎很積極

要求一星期內照到磁力共震

睇過政府醫生都知 一星期內排到期 都幾有難度

又想唔到 過左兩日 就俾我地攝到期 有得照

天真會弄人 每次都叫發現得早 今次的腫瘤仍很細

但一次又一次 連鼓勵的說話都說不出

PS : 接到電話的當天 要去睇 'I Love You Because' rerun
成晚都好似魂不附體咁 不過今次竟然有字幕 唔錯唔錯

死去活來 one night stand again

今次個場地喺會展 入到場 全部椅子都係 set 喺地下

個台就 set 高左 唔喜歡呢個設計 (俗稱 : 無設計)

若然前面果個生得高 坐得高 真係咩都遮晒

又好衰唔衰 前面的就是高妹一名

但又好彩 我旁邊 & 旁邊的前面都無人

可以側側身睇到

由於係 re-run 啦 當然都有少少改動過

但有D位無左驚喜 不過總整唻講 都OK 

第一場嘉賓係賈寶玉先生

非常有風度啊

大家唻 chok 一下先

再 chok 一下

之前都係'玲玲'摸嘉賓 今次由賈生出手

睇得出賈生都一面尷尬

中途 發生一段小插曲 玲玲得到 "IFVA導演大獎"

恭喜晒

俞生都忍唔住上台講兩句

盼完獎後幾分鐘 玲玲人也亂了

第二場嘉賓係'如果命運能選擇'

近來人很紅啊

咁當然佢無得出手喇 俾玲玲性騷擾一番吧

最後一場嘉賓係杜生

杜太太都喺現場 都亂唔到D咩出唻喇

玲玲 好強啊

可以令至愛的開懷大笑 真係呢...

幾辛苦都抵

完 show 喇

台面有幾多花瓣架 但個台 set 到咁高 
好難睇到嘛 有D浪費囉

憂

每次去醫院 都好想測量下自己個心跳究竟有幾快
心口壓住的石頭 令我呼吸困難
無當場暈倒 已經算萬幸了



慢長的兩星期等待 度日如年

PS : 喺醫院遇到友人的父母 希望大家都能大步檻過
祝安好

和民夜 again

忙... 很忙... 非常忙
悶... 很悶... 非常悶

用最原始的方法 食下行下買下咁囉

呢個洋蔥 好得意 似炸非炸 乾到柴
又唔熱 都唔知幾時炸定?

唔知點解 很喜歡佢個牛油焗帶子

呢碟野搞笑喎 放上枱果陣 隻碟係凍架喎 
所以隻蛋 熟都唔熟
唔該 換過呀

呢碟野個look 係無問題的 但佢究竟放左幾耐呢?
果餅麵... 真係一餅囉

隔左好耐 送上另一碟 今次隻碟係暖的
註 : 都唔係熱的

食完呢餐 相信有排都唔會再幫襯

整下餅

阿荗整餅又唻喇

整餅之前 要填飽個肚

呢碟蟹肉鮮茄扁扁麵
失望 蟹肉煮到老晒 or 根本唔新鮮
成碟野都係淡淡的 奇怪





蒜蓉薄餅 配D牛肉醬 + 唔記得咩黑醋
淨食蒜蓉薄餅已經好好味 加左D醬反而麻麻喎





呢杯用紅黑提子打成的鮮果汁 好得意
平時食提子又要撕皮咁麻煩
依家打埋晒一齊 用飲管直接吸入喉嚨 唔使整到條脷鞋晒

食飽... 開工

事前經過 相完全欠奉
個蛋糕已經安全地入爐焗緊

呢堆就係今次的材料喇
因為要整兩個 所以仲有得影下

呢灘就係餅上面的酸忌廉

我覺得全個過程 最難就係搽呢灘野
友人接手搽好 再要焗一焗

再搽D不可缺少的藍梅醬