三十小神仙吹唱會

知道小神仙會開呢個吹唱會 即刻訂飛啦 唔好怠慢
雖然話係少左個成員 但毫無損我的心情

比起上次'王菀之'已經算係對正 & 坐近左幾行
其實都仲係幾遠囉

熄燈 準備開 show

opening 有場歌舞 不過隻舞呢...流過流鼻涕

一對相識30年的拍擋 + 朋友 可以有呢場show
而且咁多人入場支持佢地 應該很滿足吧

第一個嘉賓 佢喺毫無介紹下 出唻自彈自唱左首歌就閃走左
佢係 林子祥的仔仔

林珊珊講佢的心中陳百強 + 對佢處處關懷的羅文
呢 part 頗感動

要感動未使咁早 佢講佢家人 更感動啊
一樣笑逐顏開的表情 很 sweet 吧

其間好多嘉賓陸續出場
(未有圖片 有的話後補)



終於到草蜢(仔)
可以話掀起一場高潮 真係又唱得又跳得 超強

臨尾到珊珊唱左幾首'首本名曲' 再掀起另一場高潮

到最後 阿lam出場先係一個大高潮吧
三人行...30年後仍可以唱

由於太多年無去睇過演唱會 唔知道原來九巴依家有咁好的服務
(好明顯同人地西鐵爭生意之嘛 賤格)
完 show 後有直車返屯門 以為會好快啦...直車喎 唔使撓路喎
今次一於試下 佢係完 show 後 15 mins 開出
上到車都幾滿座喇已經 好明顯大家歸心似箭喇
點知...佢竟然行柯士甸道 經過幾千個紅綠燈 + 塞車
花的時間同搭西鐵一樣 但佢係貴D架喎

上一代歌手唱功真係超強
一開口真係可以攝住你個心 全部都寶刀未老
就算已經半退休 一開口真係無得頂
唔似得依家就算仲'撈'緊的
一開口就想熄機