書展 2011

從未試過星期六去書展 明知多人就無謂去逼啦
但今個星期頭 突然接到'死線'通知 無得放假 lu
咁無法喇...多人都要走轉

一如以往 出發前我已mark晒要買D咩 以免自己失控



好易就搵到呢兩本



箂斯的 升高Lady 要支持下



喺微博到知道 Selina的未婚夫(阿中)
為 Selina 記述佢俾火燒後留醫90日的事
好明顯係催淚的書 但好值得支持



但更催淚的還在後面 Leo的好想說再見
係記錄佢爸爸發現癌症至去到彩虹的另一邊 呢段期間的經歷
睇住呢本書 又回想到自己的 真係要拎定紙巾啊



與友人行足 5hrs 腳有點麻 隨便搵間餐廳坐低醫肚
呢碟烤牛柳沙律 出奇地正 非常 good



食完沙律 到主菜蝦天使麵 好可惜無留倩影 味道超 good 架
可能唔太習慣太夜食野 食左幾啖天使麵 已經好頂胃
友人想食甜品 極力推介 我輕嚐左一啖 ok 唔太甜 good

ps : 誓估唔到 會展場內 手機完全係癈左 打唔出 收唔到 上唔到網
我好大意啦 淨係寫左想買咩書 又無寫低出版商
諗住唔記得咪上網睇返囉 點知...失策失策
灘叔本'歐多芽'搵唔到 係有少少失望的 又有D激氣
咩鬼地方呀? 上唔到網...

pps : 頭先喎 行緊書展期間 突然聽到一個女人大嗌非禮呀非禮呀非禮呀
有個男人 喺超逼的人群堆中走出唻 咁多人逼住晒會走得甩咩?
好想跟出去八卦下 睇下條賤男有咩後果嘛 最好俾人打一身
咁鬼衰 呢D環境都要非禮人



update (24/07) : 好唔喜歡有遺憾的感覺 所以用最短的時間
將遺憾解決 尋日買唔到的兩本書
今日走轉書局 踫踫運氣
搞掂 yeah

除舊迎新

跟左我好多年的公司電話 終於要退役喇 突然有D唔捨得添



既然係咁 幫你留個倩影先



舊的退役 換上新的 黑漆漆的 & 較 cyber 

不過兩部共通點 係一樣咁...樣衰
講完

update (19/07) : 呢個新電話 話音質素好差 好似去左外太空咁 

老媽要求我以後用手機

晴朗一天遊

呢個星期落足7日雨 初初仲擔心今日的一日遊 

真係天公造美 幾好天

  
















落雨又厭麻煩 唔落雨又厭太熱

姊宮樂園

今個星期 真係破晒記錄 睇第三場劇
之前果兩個劇 都係喜劇為主
但今日睇完呢個劇離場 胸口好似壓住舊大石咁
呢個劇 令我諗起一D唔應該再諗起的回憶
我係唔鐘意回望過去嘅人 所以唔喜歡呢種感覺
但又同時令我更加知道點去面對依家嘅處境
貓仔同二汶嘅演出 好細膩 全場人都睇得好投入
雖然只係 90 mins 但已經好足夠



場刊影得好靚





仲有兩張超靚嘅 postcard
竟然唔記得拎多張 無得貼添

死去活來 one night stand

期待左好耐卓韻芝個 standup show 終於 opening 喇



個台好特別呀

今次個場仲係第一次去 唔算大亦唔算細 好啱 talk show 

就算坐最後一行(=我)
都唔覺離得好遠 完show第一個感覺 只慶幸自己買到飛







雖然係棟篤笑 但型體動作都好重要架
估唔到 阿芝第一次已經掌握得好好



話題不離惹笑抵死 前男友 基friend 死亡 與婆婆的對話等等
真係笑得差點斷氣



每場都有不同的嘉賓 頭場係 Basco







雖然阿芝唔做商台我覺得好可惜 但見佢可以做自己喜歡的事都未嘗唔係好事
總好過去死嘛
只要還活著 生命就會精彩 錯過一次 要珍惜
仲有個咁可愛的婆婆 點可以死呀



行出會場 抬頭一望 就見到呢個巨型 poster 阿祖~~攣到爆

(第5次rerun) 聽日開 show喇
所以聽日又係去同一個地方



睇咁多年劇 第一次買的 souvenir
過往唔係唔想支持呀 但出唻出去都係 t-shirt
我又真係唔會著 點買啫
今次有杯 雖然價錢都比較貴 但都支持下啦

好棒喲

同事又一超強技術



交圖見實物 真係佩服佢的手藝啊
再次強調佢仲要係一個男同事

ps : 呢位同事近來身體上出現一點問題 務請好好休養

咁愛咁做

真係好 原本係買唔到飛的 好彩佢加場 成功買到
黃子華的劇 向來有吸收力 佢亦有一班 fans
要成功買到飛 真係要幾方面準備 初初叫老爸走趟但佢去到通利門口 
已經有 over 15人排隊 收到電話得知情況 
可以幾肯定佢唔會買到飛了即刻上網試下 竟然一試就成功左



本場刊張相影得好靚啊睇個劇目 以為個劇好簡單係講 : 愛
點知...前大半 part 真係悶得發慌
加左好多政治野 (我至無興趣的題目)
根本就好似離晒題咁
完全唔明點解要用咁大編幅去交代唔太關係的事
好明顯佢好想表達好多野 真係好有難度
搞到個劇九唔搭八咁

(由於呢個劇係來自外國 唔清楚原作者寫個劇的時候 係處於咩局勢 咩處境)

到後半 part 先開始入題 超簡單
男女主角拋棄各自的家庭走在一起
然後女主角再敵不過誘惑與別人有染
當男主角知道女主角與別人有染時 佢係何等悲傷
個劇一完左 竟然即刻有個座談會
但我相信 有好多人(包括我) 都未能消化晒個 show
仲要喎我地係睇星期六下午場 佢地仲有個夜場要做喎
又再坦白講 D觀眾問的問題 80% 都係癈話
所以一搞 時間已經差不多 19:00
即係淨返一粒鐘休息+食飯+回氣 太辛苦了吧
我亦唔認為呢個所謂座談會 會令演員/觀眾更明白個劇

ps : aiyo...D人真係好唔識尊重劇場 手機不停不停響
身邊亦有人不停食野+食香口膠+飲水
點解我會咁清楚? 全因我的警犬鼻 & 警犬耳
完全唔知點解會咁大聲 好騷擾呀