香蒜大蜆意粉

尋日實在太對唔住自己個胃喇 今日要對佢作出補償
呢個蒜蓉蜆意粉 喺街就食得多 自己做都係第一次
其實今次係第一次自己單獨搞掂一餐



大量蒜蓉 補回尋日腸仔欠我的

切的時候 要加少少鹽啊



急凍大蜆 要先溶雪 又係加D鹽落水到浸下 然後用熱水煮佢一煮
(喺街食的意粉 蜆的數量少得可憐 自己煮勁落)



意粉又係要先煮軟 都係要放少少鹽 至於要煮幾耐 請自己放入口試下



用平底鑊 可以落少D油



胡亂炒下炒下 有香味 D蜆又轉左色 再加少少雞粉



上碟 大功告成 淨睇都好過晒尋日食過果D把鬼野啦 癲



老媽評分 : 滿分

失望團拜飯

今年的團拜飯超遲先食  老媽都笑說 年都過晒 仲食咩呀
可惜成餐飯 都帶住'超後悔 & 滿心粗口' 地完成

由於好想食日本野 初初決定去魚一丁
但'日式放題'呢四個字 近年好興啊 不過我從未試過
一個價錢俾你任食 當然價錢唔會太平 膽粗粗提議各友人去試

點知...成晚都係 'dee拿媽 + 咩拿野唻架'好嬲呀
大佬 你收每人$200 水準差過街邊小販檔 條氣好唔順 想殺人



呢碟金菇牛肉卷上枱 樣貌端好 但警犬鼻覺得佢唔太對路
嘩 PK...牙力挑戰賽咩 牛肉200級熟 金菇唔新鮮
結果 咬唔開 我生吞左



呢碟燒雞腎 大佬呀 你切得咁細粒 再燒 真係硬上加硬架喎
望落去已經唔對路 又乾又硬友人想我試下
好衰唔衰 又咬正牙肉發炎的位置 即時再腫起 好拿痛



痴孖根 又係牙力挑戰賽 : 串燒牛 200級熟
dee 拿媽 用電鋸先可以切開到囉



心愛的粟米 從未令我失望 淨燒OK 啦



呢碟魚 一上枱經過我個警犬鼻 一個字飄出唻 : 鯹



呢串係第二種我認為可以一食的 : 照燒雞串
(ps : 成餐我認為可以一食的 唔超過五樣)
(pps : 我形容是可以一食 唔代表好味 多謝)



燒冬菇 : 第二輪 order 我只選擇'穩陣'的食物
冬菇媽 + 冬菇仔 冚家燒



淨睇相無可能估到係咩呢... 炸蠔是也
可惜 是臭的...吃不得



天婦羅係今日可以一食的食物之一 不過要點壽司豉油
佢D天婦羅汁...零味



魚生呀 今晚無影到 有誰見過三文魚魚生是一粒粒的嗎? 
細過一舊擦膠
由於無咩好食 決定叫D壽司
很好...飯是白飯 蝦無味的
看到鰻魚嗎? 薄到透光的



燒翠玉瓜 可以一食



再有魚 oh...我已經望都唔想望



諗住叫燒雞翼都無死啦 dee 拿媽 熟到呢.... 雞肉乾
呢兩條腸仔叫日本蒜蓉腸仔 睇個名都覺得唔對路
我就係要睇下佢有幾唔對路 蒜蓉味 無啦 唔好妄想
味道呢...腸仔味囉



呢個燒蝦 係無期望中的驚喜 ok 喎
可能我已降低晒要求 蝦肉無霉已經好好
但友人食果隻話太熟 又係牙力挑戰賽



係我的牙太痛 or D紫菜太韌 又咬唔開 dee...



呢四粒野 吸引力 : 零



凍豆腐 good



芝麻漿沙律 上枱賣相麻麻 但味道超 good
生菜 & 生果都係新鮮無黑邊



今日的芝麻 (沙律 & 雪糕) 挽回唔少分數
雖則略甜 但救熄左心頭大部份怒火 亦舒緩牙肉腫的劇痛



友人選擇的波蘿味 輕嚐 ok 唔錯 夠清新



另一球係紅荳 都是友人的選擇 評語...我已經唔記得佢係咩味

ppps : 呢篇值得...開心 (唔係因為餐飯啊 係因為與友人一聚 雖然牙肉
很腫 & 劇痛 發言的心情=零 不過淨聽 都開心啊)

花燈夜

屯門市鎮公園 應該自小學後 無再踏足過
近年的消息 都係嘈音的報導
從來唔知道佢會有花燈的活動舉行 今年第一次去湊熱鬧



呢張係 the best of photo

雖然側左少少 但起碼清楚









呢堆花 其實係好靚架 但實在太多人 無可能慢慢對焦



中樂隊好努力表演中 但唔知點解 好細聲 個 mic完全收唔到音



湖中 有好多花燈 好靚架 但好影到靚相呢...就有點困難





花燈桃花 唔錯架喎 可惜圍住佢的人太太太多



水中天鵝



草堆中有面譜 果然好有中國味道 好彩顏色都夠彩 如果唔係都幾恐怖



原來公園都幾靚架 不過依家天氣實在凍啊 不宜久留



呢個花燈都唔錯架 但被欄杆遮住晒架 想影就要爬欄杆
但管理員又會禁止 有對情侶在埋怨中
將相機伸入欄杆 咪唔會被阻到囉



條橋有一排燈籠好靚架 好想慢慢影張靚相 但同行的老爸對影相零耐性的

是日 : 元宵

前幾日先過左情人節 今日就元宵了



祝情人們 甜甜蜜蜜 溫溫馨馨

煙霧迷漫

全日坐喺公司 完全唔知外邊的天色係點放工的時候...
好似怪怪咁返到入屯門
能見度係 : 零





報告 : 香港很危險 快點回火星

來個快飯

上一次寫 blog 已經係初二的事 眨下眼 年都過埋
近日媽的坐骨神經仲睇緊醫生 所以每日放工 都要趕返去同佢搶'家務'

醫師明明叫佢多休息 可惜佢係一個唔聽話的病人
今日醫師叫佢休戰一日 所以我都趁機出去走走
食個快飯 食食下 突然醒起自己好耐無寫 blog
樣樣都食左一半 都照要留個倩影



七色魚生拼盤 初初都有六色



影左一張相 淨返五色咋



呢個酒煮蜆 我覺得味道同賣相都 ok



呢個牛油焗帶子 超 good
(其實仲有其他野 但佢地已經俾我掃晒落肚 連碟都收埋)



一轉眼 就到甜品上場 嘩 好靚呀



呢個就麻麻喇 同 menu 個圖差天拱地
中間仲有舊咸咸怪怪 (唔知咩唻) 的東西 

食食下頂唔住 要撬出來掉左佢