水囊

前晚上床瞓時 隻手無意中拍到個胸

~ 有硬塊 ~

平時已經好喜歡胡思亂想的人

頓然方寸大亂

萬一......點算好呀??

漫長的一夜 唔知點樣渡過

終於都天光

立即去家庭醫生到掛個診

友人們都提供意見

但方寸大亂的人連 睇邊類醫生都未能決定
又好彩

連平時最難 book 的婦科醫生都可以攝期

經家庭醫生觸診 認為良性居多

但都要經過超聲音檢查的進一步檢查

醫生幫忙排個快症

因為粒野 size 已經好大

全件事最難係點同家中老人家交代

自從老爸返左天家

媽仍然未能完全釋懷

"癌"字 更加完全避開

硬塊...如等同癌字喇

令家人擔心

係我最唔想發生的

實在太內疚

再快排到的檢查都要等啊

心急好焚的人

原本約左婦科醫生

諗住佢最快知道結果

點知佢診所係"無"得照胸部超聲波

shit

唯有去返家庭醫生轉介的化驗所照

又估唔到 只照超聲波 原來都幾痛

聽個醫生的語氣 都應該係輕鬆野

但佢有D 又專登講左英文

聽說要多等 2-3日

報告先會返到家庭醫生手中

點知今日早上 姑娘已經打唻

話可以返去睇報告

~ 咁快 ~

全部都係水囊

硬果粒 size 好大已經有 3.9cm

所以醫生立刻幫我插針抽水

今次的小毛病 感受到身邊有好多愛

朋友真係唔使多 但務必要交心

感謝友人們呢幾日 幫忙周章

出言安慰 謝啊!!

一切在心中

常感恩