自老爸被我送院 一直忙過不停
每日放工都要奔醫院
由初初以為的腦退化
到原來係肺炎
入院三星期 肺炎已經好得七七八八
人亦清醒好多
但由言語治療師判定
老爸已經失去吞嚥功能
這胃喉甩唔到了
亦因為咁
佢唔可以返屋企住了
起初我地擔心佢接受唔到
無人敢開口同佢講
正當大家都猶豫之際
醫生這物體終於發揮功能
老爸竟然非常接受
媽亦放下心頭大石
幸好院舍總算順利地搵到
地點仲好近屋企
媽隨時都可以去探佢
今日開始老爸就喺院舍生活了
院舍職員仲同我地講
有院友後來可以甩喉生活架
希望爸有呢一日吧
努力呀老爸
呢間野頗出名 又標榜自己保留台灣原味
一心諗住去試下
麻油雞 超級失望 勁酒味但無咸味
弱弱的問台灣唔用鹽的嗎?
勁想成碟放棄 但又勁貴
小食拼盆 但唔知點解會落D辣汁
酸梅汁 全餐最正
呢個炸豬扒 又係無咸味 唉!!
好彩隻蛋有返D味
同事的燒牛肉麵
評語 : 非常唔錯
即係咁 幾好味都好
D職員已經淨講國語
又以為客人個個都識國語
態度仲不可一世
叫人點再幫襯呢?
每年一度的公司飯局 舊年能成功避一劫
點知今年竟然係 office hour 進行
大家無藉口唔去喇
剔果張'意願表' 又係白癈
剔唔去又被照肺 以後直接通知要出席就可以啦
預早左好多時間去洲際酒店
很...無...聊...
影下花
(note 4 的影相質素相當唔錯)
很喜歡飲橙汁的人 可以狂飲 yeah
從沒有抽獎運的人 22年第一次抽到獎
我唔貪心 揀份最細的
其實我一心諗住佢係手機來的
點知唔係
竟然....
現金 $1,000
坦白講...好特別的菜式
釀大嚮螺 竟然係碎上 完全食唔到嚮螺喺邊
好明顯龍蝦球係雪野 用豉汁煮 可以蓋過雪味
又好可惜 煮得過熟 硬到呢
呢碗係全餐最滿意的 每樣都係鐘意食
如果呢碟 全部換晒杏香百花球就好了
福建炒飯 唔好飯的人 零掂過
高湯煎粉果 點知粉果暗藏殺機
比內有惡犬更恐怖的
內有芫茜 ~~ shit
痴線 焗布丁 焗過火喇 實到咁
要用電鋸劏開
超級好味合桃酥 但竟然好多人唔食
由於唔想浪費 全部被我帶走
小家公司始終小家
食完都 15:00
仲要人返公司繼續工作
just 2 hrs 咁都唔放人
超無奈
老爸的癡呆狀況越來越嚴重
今早被發現喺客廳呆座
幾經努力 都未能交流到
全身又接近僵硬
終於被我送入院
唔合作的人始終唔合作
照肺都一波三折
比預期中等候時間唔算好長
醫生這生物就出現眼前
初步結輪係肺炎得留院
又有微燒