好天氣

呢排唔係雨就勁熱
勁熱但又好天色 叫人點揀呢??

好耐無去過灣仔碼頭

但依家全個碼頭都係工程 沙塵滾滾

回程路 係影相的好機會

畫一樣的美

拉麵競技館

好耐以前 電視節目介紹過 恆豐有拉麵集中地
聽聞仲係請日本師傅唻香港的
一直都想試 但種種原因 都緣慳一面
今日終於有機會
又原來 一直試唔到 就唔應該試

每個人入場 都會派一張咭 明明話兩個人一齊 點都要塞埋唻
望望下 原來唔見左張咭 要賠 $500 唔怪得死要塞埋唻
我呢D粗心大意鬼 真係少拎野喺手為妙 即時想退返比佢



由於未試過又貪新鮮 每檔買少少野

因為我唔食拉麵果片豚肉 所以揀左冷門的吉列豬扒
aiyo... 成碗野好低分呀 D麵淋過林亞珍 好糊口唔好食
果片豬扒 乾過柴 低分到接近零
食左好少就放棄左收碗的婆婆 半責怪口吻 : 豬扒都唔食晒呀?
阿婆我牙唔好 咬唔開呀

友人選擇的 什麼黑椒 + 黑XX + 黑XX
總之碗野就係'黑' 食到D牙都黑埋架 好好笑架

呢個什麼秘汁天婦羅蝦 零特別喎
果個秘汁 根本就係沙律醬之嘛 又因為太多醬浸住隻蝦
個炸面淋晒 特咩別呀 講出唻?????

全餐最好味的 係糖心蛋

因為我地兩碗麵都無筍 但筍人很喜歡食筍 專登叫左碗
超級令人失望 人地唔係想食醃筍架 醃到淋晒 又唔係特別好味
無晒筍D特性

但最令人失望 都係呢碟餃子 介紹果陣吹到天咁大
隻隻都好脹卜卜架 大佬呀 幾好味都要煮熱架
個底有煎過 但個芯係唔熱的 肚痛靠晒你喇

呢個拉麵 food court 友人上次係平日唻 頗清靜的
但今日係星期六下午 大家都忙於拉客 尤其位置較入的 嗌得最大聲
結果你嗌佢嗌個個嗌 嘈過街市
頭都痛埋 耳仔入受罪

新寵兒

真係好喜歡 PORTER
又唔使擔心會發霉 又唔使整污糟
呢個好靚呀 但要訂
平時真係好少會訂 有就買無就算
但...

估唔到訂 唔使一星期就有喇
更重要: 世上只有媽媽好 送我這個心頭好

夕陽無限好

老媽又開始睇骨
所以可以去的地方 只有屋企/公司/屋企/公司

加油呀!! 別氣餒 一定會有改善架
由於多左時間喺屋企 決定整頓下屋企所有野大 project 進行中

生快

今個月 得一個'亂'字
連日子/星期都記錯幾次

依然想你 依然念你
生日快樂

心淡

睇到呢段字 真係中晒 point

要好好學習

但當你發覺原來什麼都不是的時候
心灰自然意冷

所有的情 都是白交了

小人國4

喺情緒低落的時候 去睇呢個劇目
真係可以好忘我咁 狂笑2粒鐘
牙骹都軟埋 眼淚都標

開場有 part 歌舞 大家開始投入之際
音樂突然停左 台上的演員都唔知點算
都係阿祖反應快 : 不如重頭唻過吧
有人覺得好好笑 但我人好戥台上的演員緊張啊 一額汗

以往小人國 每 part 完左 演員都會除下假髮與隊員握手

但今劇 只出現一次啊 很令人懷念的小動作
太少喇嘛

向來惹笑的白只瘦左好多啊! 但佢反而胖胖的比較可愛嘛!

世昌可能太緊張喇 食左好多鏍絲
當然明白緊張係難免 但當人人都講得好順
得一個狂食鏍絲就好礙耳嘛

今次個劇有好幾 part 都好中 point
尤其公司卸膊操 真係笑到趴街
令我諗起公司班卸膊PK

小叮噹果part ~ 癈話過濾器
身邊真係有呢種人就一定有共鳴吧
如果真係有呢部機
呢個世界會靜好多

基米高果 part 唔知係咪有左期望
係有少少失望的 其實可以玩得誇一點
不過服裝方面
仍然好華麗 果件紅白藍傘裙 真係好強

其中一段 係講家庭的
大家生活在同一空間 但各活各的
拒絕溝通
好值得令人反思的一 part

最後果part 各演員都著住超高的高根鞋在跳舞
真係一跳一驚心 萬一拗柴就大O樂了
仲有咁多場要跳嘛 萬請小心

以往 覺得演舞台劇的已經很強
~ 能演 能跳 能唱 ~
但今日 王菀B有段solo唱歌
一開口就知什麼是"專業"了
實在太強!!

到尾後 唔知係個人笑到狂左 定係場館熄細冷氣
好熱喎 眼見有人撥涼 應該唔係得我一個覺得熱吧

估唔到 優先訂飛都坐得頗遠 不過佢 14場 全部 full 晒
証明大家都對呢個劇好有興趣 good show 啊!

勁期待下個劇 "Avenue Q" 有仲好耐無睇的蝦頭 終於歸隊喇

photo from facebook @W創作社 & 梁祖堯