18年

眨下眼又一年 究竟我仲會喺到幾耐呢?
正所謂今日唔知聽日事 一日仲喺到都慶祝下啦

向來知道山林道有好多食肆 但一次都無幫襯過 估唔到喺山林道尾
有間咁 grand 的火鍋店 不過佢D價錢都嚇人
我有幾多年無出去打邊爐呢?



今次試間新餐廳 揀左沙爹湯底 (係一個錯誤的決定)
好辣好油...超級辣



湯底水滾起左 D油如紅海般分開
實在頂唔住 要不停加水加水再加水

 

打邊爐 除左個湯底重要 醬汁都非常重要架 

呢間野竟然有提供花生醬



店員推介的什麼手切牛肉 ok 啦



友人 order 的豬面青
類似豬頸肉咁 但由於豬肉唔熟會有菌 所以唔太敢食



排得好得意的菜心苗 好 good



人家的餐廳係炸魚皮 呢到係炸三文魚皮 = 點都貴過人



很好味但無益的生根 但浸晒D沙爹汁之後 好辣啊...食唔到



D呢個蝦滑+墨魚滑 超 good 但份量唔多囉



好期待的嚮玲...唔嚮呀 唔夠脆唔夠香 好失望啊
呢間野唔值得推介
~ 講完 ~
ps : 太油太辣 (對我唻講) 便便有如火燒後欄一樣

自作自受

在那遙遠的星球 一粒沙

今次個劇都係好長的劇名啊 續'戀愛總是平靜地意外身亡'後

另一個無可能完全無誤地講出劇名的劇目

影呢張 poster 阿祖個樣係後期係執左幾多呢? 差D認佢唔到

今次個台好靚呀 配合燈光 超正

“寧願花時間去等，都不願承認你已經消失”

故事大綱：

葉櫻雖然靠擺地攤維生，但她卻精通天文學。20年來，
她每晚觀測星象，因為她深信失蹤20年 的丈夫是被外星人劫走，
終有一天會回來。她的擺地攤黨朋友常勸她面對現實，
因為現實的人生都不是那麼浪漫。

葉櫻的女兒為了「治療」母親的 「妄想」，
聯合了男友設計一齣「外星人來訪」

的假戲，更邀請了一名神秘富商參與演出。

同時間，原來每個人都正面臨各自的人生難題
—在人生中都曾遺棄了別人，

或曾被遺棄……

今次個劇有第一次參與舞台劇演出的演員 : 梁嘉琪

可能係頭場關係 佢明顯地比較緊張 聲音仲有少少唔入咪

所以同其他演員比較 佢係好明顯的細聲

雖然聲線上有不足的地方 不過佢喺劇中有 part 係一人分裝飾兩角

quick change & 如變面般的演出兩個不同的角色

除非真係有精神分裂啦 否則都要落點工夫 呢到要讚返

另一個要讚的 係阿君 今次演出有別於過往 葉櫻...演得很好

另一個瘋癲的...阿祖 邊有人連扮外星人 都咁勁架 真係痴Q左線

一向都係用'郵寄'的方式去優先訂票 但近呢幾次 都出現寄失的情況

有幾次 初初話寄失了 後來都搵得返 (我唔知點解又會搵得返啦)

但今次呀 我竟然完全唔記得 突然某日先醒起 無收到 confirm 的電話

真係又寄失 最後經過多方面努力 都分配到門票 但好明顯

位置已經唔係"優先"的了 差不多最後排啊 呢點我係頗失望的

One Magic Day

  一峰的一人一結他 真係唔可以錯過 實在係一個 great show



未坐定已經被職員千叮萬囑唔准影相

不過根本就係多餘 你有你唔淮 差不多個個都影影影
雖然都即時被職員阻止 但咁又點呢 都影左咯
可憐的職員要周圍走周圍監視 很辛苦啊

友人問我 你都影返張啦 我答 : 使咩自己影得咁辛苦呀
而且手機影出唻會靚得去呀 facebook/微博轉頭就有啦
人家用大炮影 靚得多啦 最主要我唔想當場的職員要周圍撲
 

因為訂到飛啦 所以坐得好前 一峰就企喺我前面唱
呢一part超正 亦有少少寒寒地 一唱 : 月亮光光 月亮光光
有少少起雞皮 不過真係好正
 

型到爆炸 又唔係林峰 (偶像派) 就算身材唔夠高大都唔輸蝕
  

連阿芝都大叫 : 你好型呀

一年容易又中秋

今日係中秋 亦係張國榮的生日



今早電台已開始不停播哥哥的歌
叫人點瞓呀?

photo from weibo @雲妮姐姐

露比 星期二

呢間美式餐廳 聽就聽得多 但從未幫襯過
因為我地向來去另一間的 但依家D餐廳唔知係咪太好生意
連食 ribs 都有時間限制 要急食唔太想 所以決定試下呢間囉
點知...



頭盆 可以揀四款 無選擇地 洋蔥圈要 double
點知最差的 竟然係焗薯皮 佢果D醬唔知係咩唻架 食極都唔知咩味
反而果條芝士條好 good 喎 連友人麻麻芝士都讚



主菜 : ribs + 雞翼
aiyo...超失望呀 ribs 燒得過晒火喉 D肉太乾 若然唔D汁 佢係無味的
最肉酸係D雞翼 裡面完全無味的 輕嚐一只就放棄左



呢個迷你漢堡飽 果D薯條呢 應該係今朝開店時炸定 又凍又淋
不過D飽係 ok 新鮮 脆脆的



依家食飯 有咩上枱都係相機先食 影埋大合照就食得



呢杯鮮果什飲上枱時我眼都凸 巨型得如栗頭老師
飲晒呢杯野 我個肚應該會爆裂呢間野無咩值得推介 下次都係去返 Tony Roma 講完



食左個午餐 non-stop 地逛左半日街都未有餓意
呢個雪糕就係今日的晚餐 good

銀座梅林

好耐無食過吉列野=炸=熱氣



今次揀左呢間 但佢位置喺K11商場
呢個商場真係有如迷宮 我敢保證 行多十次 都肯定唔會識行



呢間野無得自磨芝麻 少左少少樂趣 不過佢有三枝'炮'對住我地



佢招牌菜 什麼黑豚豬柳 真係如其他人說 : 比較乾



嘩 呢個豬扒三文治 超 good 呀 好彩有叫到



海鮮人堅持叫炸蠔+帶子

味道係ok的



呢碟蟹肉薯餅 非常呃錢 蟹肉唔得 薯餅唔得 又無咩味道
唔講真係唔知咩唻



吉列大雜會 左影右影之後 D野凍晒 不過無損佢脆的程度
不過最失望係佢D生菜絲 唔知點解始終有點苦味
食咁多熱氣野 要食D菜清下個口架嘛 點知竟然係苦



既然係咁 我地就叫D魚生過下冷河 好多蝦 好鮮好甜
三文魚只係配角 而且個師傅D刀工好麻麻呀 D皮都切唔乾淨