Subedowa 2010

為左睇呢個 show 之前成個星期我都晨早瞓覺 要養好身子呀
今次真係病得太耐喇 好咳好咳 食左好多藥都唔好返
仲係少少好返的意思都無喎 
真係有諗過 : 係咪唔會好返架

23:00 上床 真係史無前例 連返學時期都從未咁早瞓 但已經好病的身子
又怕真係頂唔住 又好怕老媽唔俾去 但真係唔想放棄嘛

今日下午 仲專登午睡一下 幾嘆 幾鬼似老人家 
唔知真係以為自己已經七老八十
前兩次 subedowa 都無睇 係有少少後悔嘅 
所以今次一定要參與其中
喺行去會場期間 迎面見到好型嘅靚仔 
望真D 原來係 Lewis 好少見佢著得咁型
平時唔係差呀 只係平時見都係 casual wear 啫

坐到入會場 好多人都有帶相機 真係失策呀 今次我個位置好好架嘛
但竟然無帶到 好彩依家有 facebook 好多人 post 左相

一直叫自己唔好太興奮 你知啦 一興奮就會咳嘛 一咳就不可收拾喇
成晚都 keep 得好好架 
點知就係衰係 : 愛的抱抱 手上

全晚個氣氛都好好 大家都睇得好投入 投入得令我唔記得左咳添
佢地唔係職業歌星 但都好用心咁以歌會友 大家 happy 一晚







終於俾我恨到喇
一直好想要一張呢D相 好彩阿祖最後記得 叫大家返轉頭影相

分享

以往 都分享一D美食 今次都要分享一下近排的主糧



一袋過 五顏六色的藥



再加一枝 幫助夜晚瞓得好D的咳水



再不間斷地食住喉糖 安慰一下咳得劇痛的喉嚨
(可惜作用唔大)
究竟幾時先好返架??

清心....棧

前排 喺巴士車身 見到呢個廣告

好喜歡呢幅圖呢個系列的產品唔錯 又唔太甜

一名傻婆

該名傻婆在一個陽光普照的下午 想補一補她的睡衣

所以要戴上老花眼鏡去穿針

期間心諗: 點解咁有難度嘅? 平時好輕易就成功架喎 擾攘了好一陣都成功左

該名傻婆 繼續戴住老花鏡補補補補

然後又要睇報紙 所以繼續戴住老花鏡

突然暗叫一聲 : 死 咁唔清楚嘅?? 我都唔係好老啫 D老花加深得咁快?

該傻婆又暗暗安慰自己 可能是鏡片太污糟吧 好 等我抺一抺佢先

終於除下老花鏡 請各位準備大笑





















原來鏡片晨早已經甩左出唻

該名傻瓜 邊笑自己邊找回鏡片裝上

然後每見一個人就說一次 然後再笑一餐

希望該名傻婆 每日都記起一次 然後大笑一餐

香港一日遊

好彩天氣終於回暖少少 天氣太凍 
真係唔多想郁嘛參加屋邨的耆英團 
都係上車落車 上車落車
今次嘅目的地 : 鴨脷洲公園 ~ 午餐 ~ 山頂 ~ 美味棧



鴨脷洲公園 第一次去 場內的盆栽都好靚

風景亦唔錯

仲有個廟 香火仲好鼎盛添 突然會好大煙

導遊小姐說 : 呢個公園的特點就係有個木製風帆 
咁.....肉酸嘅

影左兩張相已經無興趣 反而被地下有D '銀魚' 吸引住

既然公園設施唔吸引 都係影下花花草草啦

過晒聖誕 但聖誕花仲好燦爛

出色的唔止花 D草都好靚架

不勉強交朋友

今朝返工前 如常地先看報紙

看到李敏小姐在專欄上的文字 簡直係 叮一聲 
講中晒我心裡的說話

原文記錄 :

被譽為仍活著的偉大作家之一

村上春樹在他的<挪威的森林>中
說:(沒有甚麼人喜歡孤獨的, 只是不勉強交朋友而已, 
因為就算那樣做也只有失望而已)

小朋友很在意自己有沒有朋友, 也很介意自己是否朋友心目中最重要的一位, 
不過 人長大了 逐漸明白知己, 朋友和相識的分別, 也知道朋友不重量, 只重質, 
愈來愈同意得一知己死也無憾 如村上先生說, 不勉強自己去交朋友, 
也不勉強別人做我的朋友.

呢幾年 我得到的 就是失望 x n次

原來是太勉強了

小魚兒

N 年前喺公司過住遊民生活嘅時候又種花又養魚 
但好明顯我唔係呢方面嘅專家

經得我手的 全軍覆沒不過近排...



再接再厲 今次有幕後軍師教路希望佢地可以長命D
佢地已安全地過左一個星期
未死得

update (21/01) : 條草究竟先'香'左 仲發出惡臭
update (25/01) : 公司上星期六殺蟲 一鑊過死晒

翠華 again

所有節日都過晒 又 book 場打波喇
唔知係心理作用 定係咩 無打波兩星期啫
D骨好似硬晒咁打完波...就食
(都唔知係咪想增肥)



上次飲過呢杯棉花糖朱古力 一直都好掛住喎
友人叫左呢杯'粟米汁' 唔知點解 就算我無飲過 都估到佢甜中又帶點咸
但一定無粟米味嘅 友人說 : 全中了



某年某人 介紹左呢隻廈門炒米俾我食 一直都好掛住
又原來好多人都唔鐘意架 無人同我 share 我又一定食唔晒
今日友人肯食 yeah



友人想食牛河 結果選擇了瑞士汁炒牛河
望相都知道新鮮熱辣啦 鏡頭都被薰濛了
好失望呀 呢碟牛河好難食 

零瑞士汁味囉 shit

唔知點解 茶餐廳的食物通常好濃味 
但呢間翠華 所有炒嘢都係好淡味的

甜

呢個假期 食左好多甜品



買左幾日 但一直無肚食嘅 cheese cake



走左轉旺角 逛累了 食個甜品先



食完又買走 榴槤 pancake

Welcome 2010

呢頭打完個回顧 即刻就打另一篇 welcome 喇





我只希望各人身體健康