家居清潔日

夏天 又熱又濕 總覺得床褥呀 sofa呀 都係好污糟
特別容易有虱 以往解決嘅辦法就係得閒無事拎去曬吓

點知 我個枕頭就咁 俾我曬裂左 

(後來先知 原來唔曬得架)

而且依家張床都唔太方便 因為係上格床 要拎張床褥落唻曬 
真係唔易 何況呢幾個星期 太陽伯伯休息了 
雨又落過不停

同事介紹左隻好野俾我 登登登登.....

同事試過 效果好好 價錢又唔貴 買唻試試亦無妨
最重要佢係無色無味 (雖則味道係有少少) 但好快就散晒
而且係人畜安全嘛 要噴床喎 小心D好

由今朝開始執 由床到床下的書枱 所有野移晒出唻 清潔好再噴藥
實在係一項大工程 執執下 決定一個友搬張床褥落唻 拍打下佢
嘩! 搬落唻易搬上去先難
老喇.... 又無開冷氣 爬高爬低 搞掂晒後 攰到骨到痛埋
不過 總算乾淨晒

King of the Pop

從不晨早睇電視今朝 唔知邊個開著部電視但又走開左
突然聽到 Michael Jackson 死左 未清醒的我 即時彈起 
吓... 死左 !!!!!!!
50歲咋喎...
雖則佢個樣(尤其係鼻哥) 已變得鬼五馬六 
但佢D勁歌熱舞 真心精彩嘛太可惜喇

放工後竟然見到彩虹

影到第二張 又再風雲變色 快快收起相機 打開雨傘回家去
MJ 已走到彩虹的另一端 回到天家了

我看風雲變

近來D天氣好奇怪 一時勁曬 轉眼又會落大雨 而且落雨仲係一區區
長沙灣勁大雨 但屯門就一滴雨都無

有一日唔記得帶遮 葵芳落狗屎 一直擔心落車後 唔知可以去邊到避雨
點知部車去到長沙灣 竟然出太陽 世界真係變得咁奇怪
今日返工 遇上如此好天色

過左荃灣 又係一天黑雲

酷熱

上星期六 聽完個激光講座 喺老尖閒逛下 
結果得出兩隻字 : 酷熱
原來戴眼鏡真係熱好多架 向來唔多出汗嘅我
自從變返四眼龜後 汗就流過不停
無冷氣的地方都不宜久留 唯有搵地方食

講座前 先去好時沙爹食個海南雞飯
年紀大喇 唔敢要晒雞油飯 來個鴛鴦吧
閒逛一下 就要食個晚飯 雖則當時只係 17:30 
但唔早食就要無敵大等位
尖沙咀 選擇雖多 但鼎泰豐仍是首選

上次食過超正嘅 唔知咩醉雞 今次 encore 
依舊好味

先唻係蟹粉小籠包 睇相都見到佢裡面D汁有幾勁
點知.... 唔知係咪D蟹粉太油膩 成晚個胃都唔太舒服 下次可能要放棄喇
我地都有叫普通小籠包 但張相俾我唔小心 deleted

喺網上睇到人地講 呢款'鮮肉飽'好好味的 所以叫左一隻唻試

剪開左 一人半隻 仲可以揀到D肥豬油粒出唻

上次食覺得好正嘅麻醬麵 但今次.....點解D味咁苦嘅??

上次唔夠食 所以友人可以試個辣的 結果大家都食唔晒 放棄左
我地唔係有心浪費食物架 係佢真係唔好味嘛

甜品仍然係呢款 : 荔芋小包 太好味喇
食完呢餐飯 個胃唔太舒服 好彩閒逛左三個多鐘頭後 
幫助消化 貪吃之過

忙? 懶?

晨早流流已經熱醒左 原本開一度的風扇 依家開到二度 

都毫無涼意 瞓唔到 唯有起身玩下 行近窗邊 竟然出奇地一陣陣涼風吹 

即刻唱出徐小鳳名曲 : 吹呀吹 讓這風吹 

吹左差不多一粒鐘 個人醒晒 相信地球只會越來越熱 

究竟人類仲可以生存多幾多年呢?

過往星期五/六/日 都係比較清閒 可以寫寫 blog 睇下書 

但自從玩左 facebook 果幾個 game後 所有時間都係對住個 mon 

結果惹來老媽一連串的投訴

我仲口快快應承左 做左激光矯視後 會減少對住電腦 

依家已經有少少後悔 老實講 唔對住電腦 喺屋企 好悶架喎

ps : 上星期六 去左聽激光講座 做左初步評估 我與友人都適合做手術

生日快樂

今日係一個好重要的友人生日

好高興你終於同我聯絡 知道你一切安好
仲多左個小B女 可愛得很好戥你開心呀

超低能 勁搞笑

有時候 自己做嘅事 真係解釋唔到話說 
尋晚與友人 msn 傾無兩句 
佢突然話要瞓 22:32 咋喎 咁早瞓覺?
我即時檢討自己 係咪真係太夜瞓呢?

結果超低能地作出一個決定 : 就係早D瞓
23:35 上床結果...左碌右碌前碌後碌 原來係完全瞓唔著 
好似碌到 3:30人瞓你又瞓 搞咩呀 豬頭炳 激死人喇

今朝 我比呢隻野更攰

自作孽

前排公司比較清閒 所以沉迷喺 facebook
一日 hea 一日....如是者 hea 左好多日
今日突然醒覺 
枱頭的文件 已經堆積如山唔得喇 
所有玩樂 全面停止

我要急起直追喇

甜水

豆漿狂人(我) 幾日無飲 毒癮發作 即刻落街買啦
點知飲開果隻賣晒 咁無法啦 求其買隻囉

選擇很多 諗住揀大牌子 實唔差得去邊一飲..... 
嘩... 咩唻架?? 無味嘅?? 一D豆味都無 唔怪得咁平啦
仲要20級甜 雪凍左都咁甜純正甜水

環保袋子

7月7日開始 各超市就會收取膠袋費
今個星期開始 逢星期五/六/日 百x超市買滿$88 
就送你一個超大的環保袋 貪心的婦人 左併右湊 
要換人家兩個呢個環保袋 底部極寬 可以俾你放好多野 
但睇佢條帶呢 應該唔太受得重
萬一行行下斷左 都咪話唔狼狽
原來每星期每日都有唔同款嘅 
今個星期的 好多都麻麻 
但....

呢款係最想要嘅(星期六款) 可惜遲人一步 派晒
第二朝 貪心的婦人 晨早就話要落街買野 其實係想要人家個袋

呢兩款係尋日的

呢款係下星期五嘅

呢款係下星期六嘅

呢款係下下星期五嘅

呢款係下下下星期日嘅 以上呢幾款 都係我想要的 但點樣每次買到$88呢 
亦係一個困難原來呢個係一個設計比賽 大家可以去投出自己心水的款式

我超想問 呢款係邊個設計架 全白色 得個logo 毫無誠意 又唔襟污糟

癲左?! 冷血?!

旺角 近排真係要少去 鏹水蛋停不了 仲要加單恐怖車禍
香港D van 仔 另一個名叫 : 奪命老van 
由元朗出九龍 30mins 內實到車速快過過山車 除非超級趕時間 
否則真係唔會考慮 搭果陣千祈唔好瞓
仲一定要打醒十二分精神 捉緊扶手

(photo from : apple daily)

真係唔明白 呢個司機係出事後的行為 究竟係癲左 定係冷血呢?
你的手指 係覺得自己的駕車技術太好呀?
定係覺得自己 車死人而值得高興呢?
人地個女 就咁俾你車死左 你有兒女嗎?
能體會到人家的感受嗎?
希望法官永久吊銷你個牌照 免得再禍及無辜

四眼龜的第一天

自十多年前配戴隱形眼鏡後 完全唔再願意戴上有框眼鏡
一來唔方便啦 二來實在太肉酸
科技發達 激光矯視已經出現左好多年 但一直都未敢行動
手術成功當然好 但萬一失敗就一世嘛
近年 呢D手術漸趨成熟 又見同事完成手術 講得我心郁郁

經過查問 原來要除低對 hard lens 起碼三星期 先可以接受檢查
就因為呢個 point 令我一拖再拖

點知 友人突然下定決心 相約結伴同行

既然決定左 就要... 一個月 話長唔長 話短亦唔短一個月四眼龜的生活
ps 1 : 同事們都當我外星人一樣

ps 2 : 如無意外 尋晚係最後洗 con 的日子 感慨良多

日日運動身體好

年幼時代 經常喺運動場出沒 但自從出唻做野之後 
差不多絕跡了一直都想 keep 住打波 因為平日我係無汗流的 
但要約到人腳 係一個問題突然間 同事S抽起條根 
約我運動運動 終於可以郁下

醒呀球鞋... 要出動喇 上次出動 好似已經係三年前
流左一身汗 好舒服呀
聽朝唔知 仲郁唔郁到呢

毒癮入骨

連發夢都掛住玩

成晚都怪夢綿綿 搞到全日都暈陀陀

夜晚根本無可能玩到 一分鐘出現 10多次 lost connection

雖敗猶榮

頭先睇電視 知道你輸左... 真係戥你唔抵呀

呢個 "全英一叮" 每年都會出到一D人材 舊年勝出者
有機會出唱片 仲將會唻香港開演唱會添

今年呢位 Susan Boyle
(人家叫你村姑 我覺得有點難聽之餘 仲有少少唔尊重囉)

雖則其貌不揚 但擁有天籟嘅歌聲 由於初賽表現太過出色
結果俾傳媒不停騷擾 弄得身心俱疲

總決賽 同一班完全唔同風格的跳舞組合爭冠軍
結果大熱倒灶 加上成名壓力 出現情緒不穩
賽後更被送入醫院

萬請好好休息 多多保重呀