Wellcome Back

 

麥當當有個漢堡
好味道到離晒譜
我當正佢係至寶
可惜只得一個肚

海倫飯局

前陣子 與朋友食左一餐好有意義的飯 
唔係因為當餐的食物有幾好味
而係因為當晚傾的一席話 令我諗通左好多 
尤其係對自己更加了解

呢幾年 我真係好唔願意開口講野
初初以為自己老喇 無野好講 
但因為近期與同事又鬧番了
結果被朋友J的"事後檢討" 
我終於想清楚點解自己會變成咁

喺呢間公司 我地係唔可以高談闊論的
大家都係對住部腦打打打 

所有野都係由 mail(公事) msn (私事) 得到消息 

全世界都是靜靜的 呢一點我超鍾意
就因為咁要開口講野的機會好少囉

喺呢次事後檢討中 朋友J認定係我的說話惹禍了
被她威逼下 我要從頭講一次事發經過
包括所有說話的內容 

細想下原來我根本無講野喎
其實當日的情況 我自己都好胡裡胡塗 
只記得當天一早 已經好唔舒服 腸胃又痛又肚疴
可能就係黑口黑面 就產生誤會了

我有同你解釋 將所有說話交俾 msn 幫我傳話 
可惜機器係會出錯 有D重要的訊息會被吞了 
結果又被誤會了 點解要喺咁重要嘅關頭 
你先唻肚餓 食晒我的訊息 會累死人架嘛

雖然我超唔鍾意俾人逼供 不過真的要多謝朋友J
好少人會當面教訓我 又肯喺我生日正日
從你百忙中抽出時間 一定要我出唻食飯
原以為又要自己一個過的 雖然一個人過都 ok 
但有人陪更好囉

但當日得到一堆友善的教訓 超滿足

我不是聖人?!

向來我係一個內心非常悲觀的 點解要講係內心呢
因為我從未表現出呢一面俾人知道
有時候尤其近呢幾年 悲觀得全個心都係灰黑色一樣
沒什麼顏色的

再加上又唔太同人講野 即係人家俗稱的'吹水'
無意義的說話可以少講一D嗎? 我喜歡靜一點

再再加上對他人的事 真係零興趣 所以好多時候 我真係好冷漠
一個又唔太笑又唔講嘢又黑面的人 你話幾討厭呢 我自己都覺得囉

但呢個就係另一面的我 又可以說係最真的我
就係因為咁 我得到'黑面神'的稱號 其實又一D都唔介意
起碼唔使戴住假面具 固然我有試過叫自己 歡容少少
但原來真係好難好難 應該係因為一切隨心吧
不過做人坦白一D唔好咩? 做咩要內裡不一啫?

我經常發脾氣 但我只係發自己/家人的脾氣
so sorry for my family member
經常要受我的脾氣
但我好愛你地架 呢點要知道啊!

我的情緒經常大起大跌 又加上經常瞓得太差 
黑面的情況更甚  一定令好多人嚇怕 
其他人我一D都唔介意 但點解你都要誤會? 
真係少少都唔了解嗎? 定係我黑面的情況
連你都已經接受唔到呢? 定係有其他原因?

我諗左好耐都搞唔通 其實...係我唔了解你 定係你唔了解我?
我真心想同你做個交心的朋友架 但今日感受到的
原來你係一直捱住我的臭脾氣 點解認識的八年裡
你從來唔透露少少不滿 要到如此地步將關係一刀切 
我好記得你曾問我 點解唔可以好似對一般同事咁對你
你有見過我主動同其他人講嘢咩?
原來你只係打算同我做一個客客氣氣的同事

我為我自以為的友情默哀